好多人考慮做機減肥，主要希望可以盡快改善身體肥胖問題，用最快速度減走肚腩、大髀、腰間肥肉。
搵到部適合自己嘅減肥纖體療程，需要事先做少少研究，並唔係只係相信明星廣告效應，或者覺得treatment越貴就一定越好，因為如果咁簡單，大家已經成功咗！
最緊要，就係先行了解做機減肥嘅原理，響生活方式方面作出調整，咁樣先能夠做到長期keep住瘦嘅效果。
市面上減肥嘅方法多不勝數，不過大部份都冇乜科學根據。如果真係想做到長期纖體，就要搵一啲有科學根據、醫學根據、喺外國專家實驗中成功過關嘅減肥機。
決定做機減肥前必須先了解嘅事
決定做機減肥之前，首先要考慮幾個重要問題：
- 做機減肥大概價錢？
- 減肥機其實有冇效？可以keep到幾耐？
- 香港邊啲地方比較建議做減肥療程？
- 冷凍溶脂機器 VS 熱力光學溶脂機器
- 幾種技術冷凍、熱能、電磁波，究竟有咩分別？我適合做邊種？
一陣就會詳細同大家講解，解答晒以上所有問題。
做機減肥大概幾錢？
香港做機減肥大概價錢，第一個package合理範圍大概8 千到2萬左右，貴嘅十幾萬都有，視乎你做乜嘢機，乜嘢身體部位、醫學美容中心級數等等。呢個價錢大概係三個月療程時間，基本上可以獲得好明顯就係減磅減吋效果。腰圍減走3-4cm走唔甩，有啲犀利嘅，減到7-8cm以上！
通常都會建議你首先買一個package大概2萬左右療程，先睇睇個效果，好就繼續加碼。頭一次買太多如果唔啱就會浪費，但買太少連一個基本療程都做唔晒，療程唔完整又唔係好見到個效果，好難判斷究竟部機有冇效。
有一個平價陷阱，大家要避開。太平嗰啲減肥機，多數都係大陸做，建議都唔好做。因為無論係隔空溶脂、冷凍溶脂、熱光溶脂、電磁波增肌減脂，儀器本身都有成本，真正外國大型醫學儀器生產商做嘅機一定係有返咁上下成本，而且醫學美容生產商去FDA申請安全認證等等亦都需要相當龐大嘅資本投入。只有一啲內地無牌製造嘅高仿機，A貨，抄襲產品先至可以做到咁平。呢啲機對於身體嘅風險同副作用係完全冇保障，連去追究都唔知搵邊個廠商，因為佢根本連名都唔會提供。
以下係比較有市場聲譽嘅減肥機器，大家可以參考吓或者抄低
- 冷凍溶脂：Coolsculpting
- 熱力射頻及激光：Lumenis Maximus，ABAS SR，Sculpsure，Magic Polar RF，Cluederm Refit, Exilis Ultra 360
- 電磁波增肌減脂：Emsculpt
如果概括咁講，完整做機減肥療程，即係包括幾次價錢 （不是第一次試做價），$10,000-$20000係正常。
油尖旺、元朗屯門大西北、平到幾千蚊可以做好多次嗰啲屬於不合理地平，多數有伏。（例如兩三次之後會開始瘋狂hard sell逼你加錢買嘢；或者根本使用風險不明假機。總之黑店方法層出不窮，最好就係搵啲有信譽有質素嘅公司。）
減肥機其實有冇效？可以keep到幾耐？
首先，大家要面對現實，做機減肥係有效，隔空溶脂BTL Vanquish、冷凍溶脂Coolsculpting、熱光溶脂、電磁波增肌減脂Emsculpt等等都係屬於通過外國FDA、CE等等認證嘅技術，係有一定嘅成效。但係佢唔係一個可以俾你任性放縱，暴飲暴食而唔會有後果嘅療程。
如果你自己每日食10餐，每日飲三四杯珍珠奶茶，每個星期慌死蝕底狂食甜品自助餐， sorry，就算任何隔空溶脂、冷凍溶脂、熱光溶脂療程都幫你唔到。咁樣食法身體已經不勝負荷，只係靠啲激光、射頻幫你收下，效果唔會好出眾。想做機減肥有效，最基本，就係正常飲食，就算唔節食，都唔可以暴飲暴食。呢個係最基本要求。
做機減肥唔需要節食，但亦唔可以暴飲暴食。如果呢點都做唔到，建議唔好嘥錢做機減肥。
喺香港，如果想做機減肥，主要有兩個地方場合可以做到：
第一類：醫生醫學美容診所如COSMAX
第二類：中高級別嘅美容中心，例如elyze 、SWISS REJU、PerFace之類
如果講到做機減肥，市場係得以上呢幾間比較正當聲譽比較好，價錢唔平但起碼做嘅係正版儀器，比較安全。絕對唔建議去任何類型油尖旺樓上黑店做能量機，因為係假機重災區。
香港法例，對於乜嘢療程必須要醫生監督，乜嘢療程係可以其他受過訓練的人進行，有好清楚嘅分別。現時香港法例下面，任何入侵性嘅療程，包括打减肥針、開刀抽脂等等，就一定需要醫生進行。
但係做機減肥，本身係非入侵性，無需打針，無需開刀，只係利用物理治療方法、高能量光波等等，係唔需要醫生都可以進行。 香港常見嘅隔空溶脂、冷凍溶脂、熱光溶脂、電磁波增肌減脂，就係屬於後者，無需醫生都可以進行，只要注意安全守則，根據香港法例，係完全合法。
開刀打針等等嘅舊式減肥方法，已經慢慢淡出市場。主要原因係因為個修復期比較長，而且痛楚感覺好大，由於科技日新月異，而家減肥機能量儀器已經可以做到完全唔需要開刀，都可以處理到深層脂肪問題，而且價錢平一大截，所以大部份有興趣纖體嘅人，已經會直接搵高能量儀器去做。開到打針等等嘅傳統抽脂方法，普通人未必考慮。
做機減肥之前首先都要考慮一下價錢嘅問題。價錢唔係越平越好，亦都唔係越貴越好，反而係要了解個技術是否可行，同市面上類似嘅技術相比，價錢係咪值得。
其實無論隔空溶脂、冷凍溶脂、熱光溶脂、電磁波增肌減脂，佢都要求做幾次，並唔係一次過就即刻完成。所以計錢嘅時候，就要考慮整個療程嘅總成本，唔係做一次嘅價錢。
如果想慳錢，建議首先試咗熱力射頻及激光，即「熱光溶脂」先，呢個個性價比係比較高。
每間醫學美容中心收費都唔同，如果概括啲講，價錢最抵，比較平又快見到效果，適合初次做機減肥就係「熱光溶脂」。價錢比較貴係冷凍溶脂、電磁波增肌減脂，呢啲其實比較適合試咗前者，效果唔明顯先至再考慮後者。
冷凍溶脂機器 VS 熱力光學溶脂機器
好多時候大家會問，市面上見到咁多冷凍溶脂、熱光溶脂、Emsculpt等等，點知自己啱唔啱？
都明白大家點解會感到好疑惑，因為無論係邊一種嘅減肥技術，都有大型廣告，有明星代言，亦都有好多blogger宣傳。
如果好簡單咁樣去總結，冷凍類型嘅機器係適合定點修身，熱力光學儀器係幫助大範圍纖瘦，將脂肪細胞縮小。兩者嘅原理其實唔一樣。
大家可能都聽過好多次有關隔冷凍溶脂廣告。Elyze最出名就係Coolsculpting。近年亦都多咗其他公司提供熱力嘅機器，例如女神黎姿Cosmax、明星毛舜筠代言Nume，就提供激光儀器SculpSure。中環SWISS REJU就係香港唯一擁有知識產權，提供正版「熱光溶脂」綜合纖體療法。
對於做冷凍類型嘅機器，或者熱能光學方便機器，邊一個比較好，其實forum都有好多人討論，但係討論區嘅資料真係唔太正確，好多都係道聽塗說，或者個人隨意想像。更多就係黑店嘅打手，亂咁散播fake news。例如之前有黑店宣傳做一次Coolsculpting 療程可以減十幾磅，呢個係絕對冇可能，檢查返當年冷凍機器嘅研究報告，從來都係只提供減少腰圍尺寸嘅效果，從來都冇減磅、令到脂肪唔見10幾磅嘅作用。呢啲係缺乏科學知識、醫學知識嘅打手胡亂創作。
究竟做冷凍類型嘅減肥機比較有效，定係熱能減肥機比較有效，外國嘅專家其實作出個科學化嘅研究同埋比較。
兩者其實原理上有少少唔同。冷凍溶脂，最主要嘅作用係令到大概20%嘅脂肪凋亡，熱力儀器主要係幫助脂肪細胞縮小，以特定嘅能量令到脂肪細胞裏面嘅脂肪酸排出。兩者嘅原理有少少唔同。
當中發現做熱能嘅機器，長期來講個效果係比較明顯，可以減走嘅脂肪尺寸係比較多。
熱力儀器嘅主要好處，係唔會造成任何脂肪細胞生長嘅問題。冷凍類型嘅機器，之前已經發現過好多次，會有不良嘅副作用。
所以，如果本身係屬於偏向脂肪形，有明顯嘅肚腩，啱啱開始減肥，建議首先試SWISS REJU「熱光溶脂」。因為價錢比較平，而需要考慮嘅副作用亦都比較少。幫你減肥去到某一個程度，有見到差唔多減走好大部份嘅肚腩，再用高能量嘅冷凍機去幫一幫，消滅剩餘嘅脂肪，咁樣個效果係最好，而且所花費的費用亦都比較少。
SWISS REJU「熱光溶脂」的另一個好處，就係擁有極高彈性，非常靈活。「熱光溶脂」係指SWISS REJU擁有知識產權，一系列嘅光學同射頻瘦身機，加上獨特營養補充品嘅療程，並唔係只有一部機本身。
由於每個人身體狀況不同，脂肪比例唔一樣，身體積聚嘅部位亦都唔同，甚至每個人做機嘅反應都唔同，所以mix and match靈活處理問題，會係一個更好嘅方案。「熱光溶脂」只係收一個機器嘅價錢，但係可以自由配搭唔同嘅機器，咁樣個彈性同埋效果會更好。
