點知原來朋友直接話，美容院減肥機未認識清楚就唔好亂咁去做，否則分分鐘仲鬆弛過之前！做機減肥之前，亦都要適量控制飲食，否則效果就會受影響。
朋友仲爆料，有幾個唔肯戒口，唔肯跟指線正確做機減肥，體重size都有番咁上下嘅客人，由於唔聽指示，照食大量快餐先去做療程，結果有一個做做下頂唔順，做到瀨X！污糟邋遢嚇死人！另一個就因為以為自己唔使控制飲食，洗咗十萬但因為唔肯聽指示結果搞到冇乜效果，有一日情緒失控走上美容院破口大罵狂飆粗口，仲拉扯美容師同reception頭髮！嘩！咁得人驚！？ 快啲同我一齊發掘美容院減肥機真相！
美容院做機減肥討論區不知道的真相
大家可能都經常會留意一啲美容討論區同埋Facebook Group，了解現時最新技術同埋係市場反應。相信係女人都想自己苗條啲，所以近年非常之流行嘅做機減肥療程，我都好想知道究竟邊部機最勁最有效！『未了解清楚就千祈唔好買療程住！一半以上嘅美容院cheap cheap減肥機都係冇料到！』朋友話。
佢作為資深顧問，都可以話係見慣風浪。講起美容院做機減肥科技，佢就真係一講就停唔到！
『依家好多單次收費同埋小店都係用假機、大陸淘寶爆脂機！大把無知客貪平走去做，當然垃圾機係完全冇效果。大型連鎖店雖然唔會用假嘅機器，不過面對市場海量嘅cheap嘢假貨平價競爭，唔多唔少都受到影響！搞到好多大集團老闆越來越 hard sell！』
朋友工作嗰一間美容院入咗幾部昂貴嘅減肥機，管理層就要所有同事落力銷售。甚至要幫手講到點樣厲害，點樣任食都唔會肥。其實做機減肥喺需要配合飲食正常健康，暴飲暴食當然唔可以瘦。但係朋友間公司管理層屎橋亂噏一通，叫同事一律宣傳『做機減肥就可以任食』😱，當然好多客人中招！暴飲暴食之下不單止減肥機效果唔明顯，仲因為以為可以任食，仲肥過之前！畀咗幾萬蚊但係仲肥過之前，比起之前再肥多一兩個碼，本身L變成XL超大碼。啲客人真係把鬼火！
朋友投訴，由於公司管理層屎橋亂噏一通，亂噏任食都唔會肥，作為前線員工嘅佢就受曬！畀人問候娘親！
做機減肥討論區經常都有網友發表文章， 又話啲美容院點樣hard sell，又或者美容院減肥機效果不似預期等等。呢類型有關做嘅減肥嘅討論就聽得多，但係從員工角度投訴美容院減肥機效果問題就真係第一次！
聽朋友講，原來做機減肥真係唔係人人都啱：『首先要考慮自己生活習慣，年紀，運動量，及新陳代謝是否正常等等。否則無論洗幾多錢，都唔會有效果！』 朋友越講越激動『 做機減肥係有效，如果唔係都唔會話得美國FDA同埋歐洲CE認證，亦都唔會有咁多醫學文獻講解做機減肥嘅好處。但係呢個唔係藉口放縱自己瘋狂飲食，自己繼續暴飲暴食，咪等於整蠱自己囉！』
佢再補充，如果你要去美容院做機減肥，想見到有效果係一定要做以下動作：
補充水分：療程之前同埋之後瘋狂飲水補充水分！ 因為市場上大部分嘅減肥機，其實都係使用高能量去改變脂肪狀態。例如隔空溶脂咁樣，係需要身體有足夠嘅水份先至能夠產生熱力，先至做到燃燒脂肪嘅效果。身體唔夠水分就會導致效果不足，減唔到肥。
控制自己飲食／注意卡路里攝入量： 每日嘅卡路里都唔可以超標。 因為做機減肥嘅主要目的其實係燃燒你現有嘅脂肪細胞， 但係飲食過量就會導致新嘅脂肪積聚。
好多人成日都想知道做機減肥有效嗎，聽朋友講喺佢公司，原來只有跟從指示嘅人先至會有效果。其他唔肯跟指示去做，自己暴飲暴食，一定係嘥錢！做機減肥討論區都有好多唔跟指示導致嘅失敗例子。
美容院做機減肥：素人師奶與幕前女神的距離
『你估個個都係XX（佢前老闆美女CEO）咩！佢每日除咗自己做機減肥，日日瘋狂搵人做爆脂機，亦都食得好清好健康。如果唔係點會keep到咁好狀態咁美艷動人。有啲師奶肥婆阿太客，以為淨係畀錢做機減肥，就可以變到好似XX咁樣，真係諗多咗！』XX就係佢前公司嘅CEO， 極靚嘅女神。但普通素人師奶想成為佢咁樣？ 唔去改善自己飲食習慣，唔肯運動淨係依賴做機減肥，又點會夠。聽朋友講原來美女CEO對於所有事情都一絲不苟，無論對自己身材體重，定係對公司嘅設計美學，都有好高要求。一個咁高要求嘅女人，又點會容許自己亂咁飲食變成肥婆師奶呢。要做到咁靚就梗係平時樣樣嘢都好留心做到最好啦，點會咁隨便放縱自己。』
『但係有啲客擺到明都係淨係鍾意食，經常性去fine dining，日日珍珠奶茶，又omakase，每星期最少去一次去酒店，瘋狂食buffet食番夠本。又懶到死日日叫外賣。淨係做機減肥，點會真係有效？但係公司又要我去推銷減肥機，講到點樣犀利點樣勁，點樣食都唔肥。結果梗係唔會啦。客人比參加療程之前仲肥咗，咪返嚟鬧我囉！』
其實個腦諗下嘢都知，做機減肥主要目的係幫你整走現有嘅脂肪，但係要防止新脂肪形成就一定要從飲食方面好好控制。如果自己唔控制飲食，暴飲暴食，又點可能會冇脂肪形成啦？
香港美容黑店多，但無知客人都好多。面對朋友咁樣嘅情況都只能夠深表同情！
美容院減肥機咩人有效果，咩人冇效果？
我話你講咗咁多唔work嘅情況咁有冇啲係真係幫得到你減肥嘅機器先？ 你公司邊幾部減肥機最有效？ 等我自己都去做返嗰幾部吖嘛。『老實講我公司入嗰啲減肥機都有效，如果真係想快見到效果，市場比較新淨靚仔嗰幾部Eximia HR77，Winback，Young In，ABAS FIT同Sculpsure效果都相當唔錯。好多員工自己得閒都會走去做。始終佢哋知邊啲有用邊啲冇用嘛。佢哋咁醒梗係自己做啲有用嘅機啦。以上呢幾個我自己都覺得減肥效果幾好！做幾次已經有分別。』
係女人都想靚同埋想keep到好身材。以前啲相唔流通嘅年代就只能夠自己亂嘗試。減肥機呢幾年都進步咗好多，由以前深圳骨場舊款嘅爆脂機，屋邨美容院40k超聲波減肥機，到現時最新一代價值數十萬美金嘅嘅綜合式激光減肥療程， 科技其實不斷進步之中，最新類型幾十萬美金減肥機就真係有料到！
除咗朋友之外，我自己都有一啲個人經歷，可以一次過講埋畀你知，究竟做機減肥有冇用。
做機減肥唔好貪平，邊5部真正有效？
我自己近期就去咗一間公司試咗一個新技術，叫做 Winback Tecar Therapy （https://www.winback.com/），呢個技術其實係非常的先進，使用量子震盪嘅科技，改善痛症同埋身體衰老，去重組自己嘅膠原蛋白同埋消脂！令到身材變得纖瘦之餘，仲可以幫你燃燒埋內臟嘅脂肪。呢個獲得美國FDA認可嘅新科技，減肥養生回春效果令人驚喜，真係唔講得笑！Tecar Therapy全名叫做 Tranferencia Electica Capacitiva Resistiva。Winback Tecar Therapy使用深層熱力去療癒身體組織，同埋細胞重做膠原蛋白生長。刺激血液循環同埋令到過量嘅脂肪細胞釋放脂肪酸。 排出體外可以一次過做到養生療癒身體，膠原蛋白重新增長， 同埋消脂減肥嘅效果。
聽到啲咁犀利嘅技術，唔好以為做嘅時候一定會好大感覺喎。因為我自己做嘅時候其實係極舒服，舒服到瞓著呀！好似做熱石按摩咁上下嘅感受。一般人絕對係可以接受，而且機器嘅療程本身獲得歐美各大權威認證，好似FDA，CE等等全部都攞到，自然知道係一個安全同埋有效嘅科技。
我自己做咗幾次Tecar Therapy， 好明顯係見到腰線明顯咗。部機本身仲能夠做到改善內臟脂肪嘅情況，雖然我就冇特別再去量度，但係好明顯每次做完之後係會覺得舒服，同埋視覺上係有分別嘅。
Tecar Therapy 嗰部機名就叫做Winback，即係剛剛朋友都有介紹，比較有用嘅減肥機之一。
我自己Winback / Tecar Therapy親身經歷就完全同意佢所講。做完幾次Winback之後已經見到有明顯嘅分別。同埋膠原蛋白嘅生長係快咗，係firm！所以點解Winback Tecar Therapy喺法國同埋美國，係由奧運選手都會使用？佢並唔係一般坊間嘅平價減肥纖體機，更加唔係一啲本地低端美容中心，或者主張鬥平鬥cheap單次收費美容院常見嘅低端機器。
Winback / Tecar Therapy呢啲係屬於世界級嘅最新技術。無論題減肥纖體，定係令到身體回春都好，兩者都係有相當強嘅科學根據支持！如果選擇做機減肥，見到Winback呢部機就應該放心！
美容院做機減肥，可以留心呢幾部機器，呢幾部都係我自己同埋朋友都正面評價嘅推薦選擇：
美容院減肥機推薦一：Winback Tecar Therapy 法國美國冠軍減肥機
美容院減肥機推薦二：ABAS FIT
美容院減肥機推薦三：Eximia HR77 意大利王者7日瘦
美容院減肥機推薦四：E-Magstorm 南韓雙磁圈增肌減脂
美容院減肥機推薦五：Magic Polar RF 魔瘦
美容院減肥機推薦六：BTL EXION
呢幾部美容院減肥機都有個特點，就係有名有姓大廠出品，全部都係屬於外國國際級醫學美容權威之選。絕對唔係坊間平價cheap cheap單次收費美容院常見嘅大陸淘寶機器， 尤其係以上幾部機器嘅知識產權保護做得幾好，唔係好似其他香港某啲牌子嘅增肌減脂機／隔空溶脂機咁樣，一街都係假貨淘寶貨。搵啱地方做，其實減肥纖體回春成功機會已經接近100%！
美容院做機減肥除咗要識得揀邊部機比較靚，同埋邊部機有效果之外， 仲要比較埋價錢！咁樣先至係最精明吖嘛。香港除咗美容黑店之外其實都有一啲正當經營嘅公司，但係要慢慢搵邊間好邊間係黑店，就真係唔想再逐間去冒險。其他公司我就唔敢亂咁推薦，我只係敢推薦一間我自己都曾經做過，覺得有效果而且有誠信有質素嘅：SWISS REJU熱光溶脂。尤其係我頭先所講我自己做過嗰部非常勁嘅法國美國冠軍之選Winback， 真係值得你去SWISS REJU畀幾百蚊試下最新嘅全球冠軍科技！真係瘦咗同埋年輕咗，你到時先多謝我都未遲！
延伸閱讀
美容院減肥機真相2025：大爆做機減肥與與荷爾蒙失調因果關係，為何明星極瘦你永遠都減唔到？【美容院減肥機中伏真實個案】35歲以上做機減肥無效果！？本人花費過十萬才了解的道理
【超詳盡分析美容院減肥機】高中低價位做機減肥有什麼分別？減肥機越平越大鑊 ！
隔空溶脂有無用？香港瘋狂執笠7個美容院安全消費貼士
