事前好好做準備，對於冷凍溶脂價錢、原理、效果、副作用等等都心中有數，再去醫學美容中心詢問比較，好過到時盲目盡信美容師。
事前做足準備，已經深入了解過重要安全資料、價錢資料、副作用資料，就多數都會可以即時作出正確決定。所以，如果你正在考慮香港做冷凍溶脂，第一件事，唔係book療程，而係先做準備。
首先我會講一次失敗經歷，同埋點樣去預防俾咗錢做冷凍溶脂但冇效果呢種情況。之後亦都會講解幾個容易中伏嘅位置，令到大家可以避免出錯。
重要事情說三次！如果要知道冷凍溶脂邊間好，一定要事先做足準備！事先準備！事先準備！
失敗冷凍溶脂經歷要提防
冷凍溶脂係一種具有相當臨床實證技術，但係外國有臨床資料理論上可行，同埋喺香港你自己真係去做，係咪有最佳減肥纖體效果，未必有百分百關係。
之前有外國回流朋友去做冷凍溶脂，因為唔熟悉香港市場，誤信IG廣告推介資訊，俾咗三萬幾蚊，原來唔係正廠貨，竟然係雙腿被「送中」，俾人用咗大陸強國機偷龍轉鳳！
做咗之後，雙腳大腿瘀黑一大片，等咗差唔多一個月先退。等咗咁耐梗係希望有少少效果，最後仲要竟然丁點兒都冇瘦過。再返去醫學美容中心理論，竟然被大陸鄉音、神似「譚仔」美容師嘲諷：「人人都瘦咗除咗你。做完你，部機吸頭都好肥膩！」
朋友梗係嬲到震！損失時間、損失金錢、損失外表（腿部毁容）、仲要激氣要同美容中心理論……仲未計心理陰影。如果唔想咁，就一定要了解冷凍溶脂需要注意地方。
我朋友呢次非常失敗又後悔嘅冷凍溶脂經歷，其實同慳錢無關。佢其實碩士畢業，外國返嚟，都算係高收入高學歷人士。但係點解一個有讀過書，又有好職業嘅人都會中美容陷阱？因為佢冇做好準備，太過相信美容顧問。
人哋用咗價錢低下嘅大陸平價冷凍溶脂，假扮美國原廠Coolsculpting。但係佢仍然冇知覺。問佢做咗邊部機，竟然話做咗「冷凍溶脂機」。其實冷凍溶脂有分好多牌子，手袋都分牌子，攞個速食時裝品牌手袋，又點可能同法國殿堂級皮革手袋比。何況佢嗰個只係淘寶手袋，但係佢就俾咗法國手袋價錢！
冷凍溶脂都分級數
唔少人成日問，冷凍溶脂邊間好？
第一件事，就要先分辨品牌同級數。
當然市場比較流行會係Coolsculpting ，其實市場上亦都有其他例如歐洲品牌Cooltech、韓國品牌Coolshaping、Clatuu 、MiCool等。大陸雜牌亦有好多，多不勝數。
Coolsculpting 好處係一個大牌子，有FDA認證。香港大型醫學美容中心例如elyze、PerFace等多數都用。
其他歐洲、韓國冷凍溶脂牌子其實都有可取地方，價錢方面會係其中一個優勢。韓國嘅Coolshaping香港都流行，大型連鎖店都用開。而另一個韓國冷凍溶脂品牌Clatuu 喺2015年推出市面，主要在南韓、香港、澳洲等國家同地區流行。呢部機嘅好處係探頭大小相當靈活，而且冷凍速度極快，而且價錢亦都比較平。香港不少中型美容中心就係用Clatuu。
以一個從來冇做過冷凍嘅人，就會比較建議你先試Coolsculpting（美國）或Clatuu（韓國）如果你已經去到達人級數，相當熟悉唔同機嘅感覺、效果、副作用等，咁你就可以試一啲比較新同niche嘅技術。
要分辨冷凍溶脂邊間好，唔係淨係靠廣告，或者網上宣傳，反而先了解什麼對你最緊要。
想要價錢平，冷凍效果比較快，頭比較適合亞洲人身體大小，就可以考慮韓國冷凍溶脂機器。如果傾向相信大品牌價值，自己經常都要全球四圍去，甚至有考慮移民或升學，會喺世界不同國家繼續進行療程，就可以考慮美國機器。
香港冷凍溶脂需要注意位
如果香港做纖體，最好就會比較返究竟係用邊一部機，因為其實成本會不同，有啲成本都有返咁上下。
Coolsculpting 價錢方面一定比較貴，因為個成本除咗機器本身之外，仲有一個叫做Licensing Fee美容中心需要俾，所以其實變相個成本比較高。收費亦都唔會太平。
香港做機減肥其實最基本，係知道究竟係做緊邊部儀器。淨係知道做「冷凍溶脂」係唔夠，你要完全知道係做邊個牌子，先至足夠。
另外一點大家要留意番，就係你係咪適合做冷凍溶脂。因為不論任何牌子都好，冷凍溶脂本身並唔係一個減重嘅療程，佢係一個修復線條嘅療程。
配合熱光溶脂，更快燃燒脂肪
順便同大家推介一下，市場上另一種新技術，叫做Thermal Lipolysis熱能溶脂。技術在美國、歐洲開始流行，韓國亦進入市場。
而將全球性綜合的光學熱能纖體技術帶來香港，整合不同機器優點並設計成快速全身瘦療程，就係中環SWISS REJU「熱光溶脂」。價錢平而效果快！
熱光溶脂，可以配合傳統冷凍技術，令到整體纖瘦效果更明顯。
熱光溶脂其實係利用專門嘅光學技術，同埋熱能科技，令到身體脂肪細胞改變狀態，脂肪細胞被縮小同破壞，由新陳代謝排出體外。
熱光溶脂嘅好處係可以做到快速纖體效果，而且可以同傳統冷凍溶脂技術一齊做。
熱光溶脂除咗改善脂肪積聚之外，主要係幫到冷凍技術缺失嘅一部份，就係「收緊線條」、「膠原蛋白重新生長」。
市場上所有冷凍技術，只可以做到減走脂肪，但唔可以做到收緊身形，亦都唔會令到膠原蛋白生長，所以點解有啲人做完冷凍之後會發覺甩走脂肪後，可能出現鬆弛狀態。
好多人成日問溶脂邊間比較好，點解自己效果未如理想？其實因為佢唔理解溶脂個原理本身係點運作。
冷凍溶脂，做完會減少一部份脂肪，但唔會做到身型收緊。尤其是如果你過咗30歲，身體線條已經開始冇以前咁明顯同緊致，再去做完冷凍溶脂，機會出現鬆弛狀態。到時候配合熱光溶脂，就可以發揮最佳療程效果。
對於唔算太肥嘅人來講，熱光溶脂可以單獨做又得，配合冷凍技術做又得， 十分方便。而且價錢比較平，屬於做機減肥幾好嘅first step 。
更多資料
