#有圖有真相
#錢作怪
做機減肥技術好多，但亦都可以好參差。上網搵減肥機時候，除咗BTL Emsculpt、Zeltiq Coolsculpting、GTG Wellness、Lumenis Pollogen、EunSung Global等等大型外國醫學美容機器生產商同品牌，仲有好多其他聲稱可以減肥嘅機器同療程。
以減肥減肚腩為例，一般大型正廠機器減肥纖體療程價錢介乎$15000到$50000左右，好視乎購買次數、使用機種、醫學美容中心級數等等。大概可以減到3–5吋，減肥效果都算明顯。但幾百蚊就做到嘅平價纖體公司，照常理如果係真正使用正廠機器，成本都一定有返咁上下，究竟佢哋點樣運作？係咪黑店？有冇伏？
(一) 聲稱平價做冷凍溶脂 原來係做「大陸強国机」
有單次收費美容中心，會提供平價冷凍溶脂。千零蚊已經話可以做到同某某大品牌同款機、同級機。
但客人做完，先知道原來俾人呃咗，偷龍轉鳳，狸貓換太子！
冷凍溶脂其實都分唔同品牌，並唔係得一部機咁簡單。當然香港見得比較多就係Coolsculpting ，但一啲平價單次收費美容中心，用嘅就唔係美國Coolsculpting，而係一啲平價大陸機器。例如某H字頭大陸牌的機器。
咁係咪會一上去就叫你做大陸機？一定唔會。如果講到明大陸機根本冇人會做。呢啲黑店做法係：一開始會不停同你講冷凍溶脂、冷凍溶脂、冷凍溶脂，講到咁上下都已經心郁郁想做，就會即刻幫你開始，但唔會講實係做邊部機。你以為自己係做咗美國Coolsculpting？其實你係做咗大陸機H牌。冇錯你係做咗冷凍溶脂，但冇話係Coolsculpting呢個品牌嘅冷凍溶脂！
防受騙方法：消費者應該直接詢問，冷凍溶脂，係做邊一部機？
（消費者應該直接詢問冷凍溶脂，其實係做邊一部機？）
（二）美容平台團購陷阱
團購多數中伏，是常識吧！
美容平台原本意思，就係希望一啲高質素嘅服務，不用通過明星代言人、雜誌廣告等等高昂成本活動，而通過網購直接介紹比消費者。從中慳到嘅成本，就可以用嚟回饋消費者，降低價錢，亦都可以幫醫學美容中心提高使用率。
不過近年團購平台已經走晒樣，尤其是美容團購平台， 10間有9間黑店。最荒謬，係有早已臭名遠播出晒名美容黑店，整個網站，假扮美容團購平台，專門呃新客人上去。市面上有幾個MK質素團購網站，其實係由同一美容集團營運。
團購經營模式好難維持，因為消費者付出嘅價錢同真正需要營運機器成本完全不合比例。呢種情況下，唯一可以唔需要蝕本經營模式，就係不停hard sell。所以點解大量美容黑店充斥。
防售騙手法：做機減肥便宜莫貪，謝絕團購！一個使用外國正當機器嘅纖體療程，價錢介乎$1000幾到$5000幾一次不等。什麼$88可以做纖體， $128做10次等等，全部都係商業上冇可能做到嘅價錢。呢啲只係黑店呃人上去嘅方法。
就算你俾咗錢參加，你每一次上去佢都會落閘閂門sell你一粒鐘以上。直到你心灰意冷自己放棄為止。香港正當纖體公司，其實好少參加團購網站，以免同其他質素有別嘅hard sell黑店混為一談。
（三）抄人個名，點知只係做五份一
幾百蚊就可以做機減肥咁着數？原來只做完整療程五分一機種！
市場上有「三無」美容中心，即係無正貨保證、無安全指引、無水準質素單次收費美容中心，最鍾意用幾百蚊減肥去吸引客人，但上咗嚟之後先發覺並非完整療程。
冷凍又好、熱能又好，做機減肥其實都係使用高能量機器去達到細胞狀態改變嘅療程。所以安全係好緊要，一定要揀有信譽嘅纖體品牌，一般大型品牌為了維持信譽，對於療程安全程度、是否嚴格執行安全指引、使用度數是否安全範圍等等，全部都會緊跟原廠指引。
以上種種全部都需要成本，平價單次收費美容中心冇可能贏得過傳統美容中心，所以往往會使用旁門左道，瞞騙對於呢方面唔熟悉嘅客人。例如使用盜版機器、重複使用已經過期探頭，用jail break方法去延長使用探頭期限，以上種種都會對於顧客帶來極大安全隱患。
正版BTL Exilis 360、BTL Emsculpt 、日本Wamu脂肪刀都有大量大陸制盜版機器，多數出沒於平價油尖旺MK減肥中心。另一個黑店方法就係只係提供正版療程嘅一部份，例如正版療程做六部機，佢只提供一部，但個療程名就跟人哋正版一樣。
「三無」單次收費美容中心多數沒有技術支援，亦沒有安全指引，顧客如果出任何問題，都要自己承擔所有任，而且如果有任何事故醫療費用，亦很難追討。
防受騙手法：網上研究比較，纖體療程最好問清楚。例如市面上比較常見正版公司組合，「BTL Emsculpt + X Wave」、「BTL Emsculpt + Exilis Ultra 360」、「Coolsculpting + Coolsculpting ELITE」、「SWISS REJU 熱光溶脂6部曲」，都係正版公司專門設計的國際級療程。好多翻版劣質美容黑店，由於機器所限，係唔會能夠提供以上組合。只會提供當中一部機。
要揭穿一間公司是否美容黑店，其實有以下方法：
黑店有一共同特點，就係鍾意信口雌黃，乜嘢都會應承，乜嘢都去吹噓。做完一次療程，唔需要任何飲食配合，保證兩星期可以減走30磅，呢啲咁垃圾嘅宣傳都有人會講。
正當經營嘅美容纖體公司，尤其價錢比較貴嘅公司，反而會非常謹慎，甚至會勸客人未必需要做某種類型療程，同埋如果要維持效果一定要正常健康飲食。佢哋知道乜嘢應承得，乜嘢唔應承得，會做好expectation management。
正當經營美容纖體中心貴得有原因，賤價劣質美容黑店亦一樣。無論平價纖體減肥包含了什麼服務承諾，都必須小心防範背後一些銷售「偽術」！想做正式纖體療程，一定要花時間了解清楚所揀嘅公司係咪值得信任同可靠，一分錢一份貨，選擇嘅時候一定要打醒精神！
香港歷史比較悠久、經營手法比較正當的纖體公司包括：
唐安麒Angel Face 宇宙飲食: 教導客人飲食方法，從體質管理改善肥胖問題，儀器與及專門的食療飲食，一般都做到不反彈。超過30年歷史，屬於改變飲食為主的長期健康方法。
SWISS REJU 熱光溶脂：中環高端健康纖體品牌，用全球最新FDA、CE纖體修型機器，重點改善脂肪積聚。配合獨家營養補充品，達到內在調理，外在美顏纖瘦的long lasting效果。比純粹調理飲食效果更快，而且多明星、國際美容雜誌如ELLE、Cosmopolitan 等推介。
COSMAX Sculpsure：黎姿開辦的Cosmax引入了來自美國的Sculpsure，一種新穎的激光，可以殲滅一部份的脂肪細胞，技術新穎而價錢較貴，約$6–7萬左右，適合手頭充裕人士。
