減肥溶脂機有好多種，價錢亦都有高有低，平價减肥療程有些平到幾百蚊已經可以做。而價錢貴的減肥療程，講緊十萬八萬都有！平價療程同高級療程之間，無論價錢、技術同質素，都相差極大。難怪有人會問：減肥機有用嗎？
點解平價減肥療程、平價做機減肥瘦身多數都有問題，不建議消費者隨便去做？講一個真實例子，就知道點解。
減肥機有用嗎？港女做機做到肚瀉瀨屎
有一個真實例子，有個朋友近期學人跟減肥纖體熱潮，竟然做機減肥瘦身都出現極端尷尬情況，搞到以後即使仲有其他course在美容院，都唔敢再去！
話說近期流行做機減肥，什麼冷凍溶脂、肌動減脂等等，都大行其道。這位朋友見到市面上有各種各樣的減肥療程，都有少少心動想知道其實有冇用。尤其是平時做開的美容院，都有提供做機減肥的服務，顧問又話可以用極低的試做價錢感受一下，朋友就膽粗粗試吓！
做機瘦身試做的過程都算正常，顧問又有之前之後度下肚腩位，而且價錢非常之平，$400一次，雖然朋友並不完全清楚知道，究竟是用的是什麼機器，總之話可以增肌減脂。這部疑似減肥溶脂機望上去又大大部，朋友都沒有深究。
第一次試做減肥機的時候，肚腩位置好像有點不舒服，但又不肯定究竟是否有問題。畢竟自己從來冇做過機瘦身同減肥，根本不能判斷是否正常反應，還是自己體質太過敏感！
但越做就越覺得不對路，減肥機器拉扯自己的肚腩好像太大力，甚至內臟都感到被拉扯！
美容房的冷氣太大，朋友感到體溫不足，肚腩的位置又不停被自動產生壓力波的減肥機器抽搐。冷氣房間極低溫度，減肥機器又非常用力的拉扯，朋友感到極之頭暈！終於頂唔住，大聲呼叫在門外的美容師話感到好唔舒服！
美容師入房見到朋友面色蒼白就知道不妙！立即將減肥機器按停！一個要做30分鐘的療程，只是做了20分鐘左右就被迫停止。
美容師見到朋友面無人色又標冷汗，就即刻俾熱毛巾敷肚，但朋友剛剛才完成一次磁波減脂，腹部處於極為勞累似極端運動後的虛弱虛脫狀態，加上房間溫差大不適應，一冷一熱，坐起身的時候，突然，後面好似有問題，美容房有少少異味……
朋友都算醒目港女，立即發覺有問題，好似唔小心咇咗少少出嚟！佢立即叫美容師出去倒水，然後即刻換衫，沒有等美容師返來，名都無簽就光速奪門逃走！
去到商場洗手間，再檢查一次，先發覺真係出現尷尬場面，貼身衣物污糟晒！做減肥機做到失禁，未減肚腩，先減走宿便排毒，真係令人嘩然！
一次做機減肥瘦身減肚腩經歷，最尾搞到去商場廁所自己一團糟自己嘗試清理，真係一生難忘！
做機減肥有用嗎？
減肥機有用嗎？呢個問題一直困擾朋友。做機減肥減肚腩其實好平常，點解佢會出現咁多突發問題？
做機瘦身真係唔好選擇平價美容院，因為多數出問題都係欠質素的地方。
朋友問，係咪其他做機減肥瘦身機器，都會有咁大反應做到失禁？由於朋友根本冇印象做咗邊部減肥機，只能夠從外型同感覺去推斷，應該係市面上其中一部低下價錢的增肌減脂磁波機。根據朋友描述，應該不是英國的名牌機，非常有可能只係平價僞韓代工機，安全性和效果都成疑。
做機減肥減肚腩，想獲得好效果，其實在機器層面、操作層面、療程後的打理等等各方面都需要一定的專業知識與及準確操作，才能夠獲得應有的效果，否則，如果機器本身已經屬於次貨，操作的人並非減肥機專家，沒有相關專業知識和經驗，再加上進行療程之前沒有預備，就差不多肯定會出問題狀況！
做機減肥安全須知一：減肥機應該使用具有科學根據的原理
正在考慮做機減肥瘦身，做機減肚腩的朋友要注意。減肥機要有用，就一定要有相關的科學根據，例如冷凍溶脂機，使用的科學技術，就係令到脂肪細胞因為低溫結晶，之後排出體外。熱能溶脂技術使用激光和射頻的高溫能量，令到脂肪儲存的脂肪液排走。以上兩種算是屬於有科學根據的做機瘦身技術。在現今科學上，只有冷凍、熱能、電磁波、超聲波、激光，被全球大學研究發現證實可以用來改變脂肪細胞的狀態。其他民間治療方法，例如拔火罐、蒸腳、岩盤浴等等，只能夠幫助你排出汗水，長遠並無任何減肥瘦身作用。
做機減肥安全須知二：應該具備FDA、KFDA、CE安全認證
有安全認證好重要，因為減肥機生產的成本，絕對比不上背後科研投入的成本，與及安全測試以獲取認證等等的成本。市面上好多平價的減肥機、瘦身機器，其實點解可以做到咁平？主要係因為將貨就價。
價錢低下的減肥機多數來自中國內地，再轉運到國外如韓國等地扮入口。它們批發成本不高，主要原因是因為生產商，直接跳過最貴的科學研究，和最高成本的申請安全認證步驟。通常會將市場上最受歡迎的減肥機器，搵內地學者專家仔細拆開研究，再用相同的技術reverse engineer ！由於本質上是抄襲山寨技術，而且不去相關的機構進行安全測試和獲取相關的認證，它的成本只是工廠製作成本！所以點解類似的減肥瘦身技術，但價錢可以低好多。
次一等的同類技術、山寨機等，如果非常緊貼地抄襲原裝正貨，理論上會有一定的安全性，當然不會係百分百。不過最怕係抄啲唔抄啲，情況就會好複雜同麻煩。
做機瘦身其實都係需要安全放心，與其博下博下，建議都係首先檢查機器是否具備FDA、KFDA、CE等等的安全認證。通常有這類型的減肥瘦身機器，質素也比較有保證。
做機減肥安全須知三：首先自我評估想減幾多
市面上不同的減肥機使用的能量與及原理其實不同，可以減走的脂肪比例都不同。正因如此，你首先要評估一下自己有幾多脂肪需要減走。
如果範圍比較細，可以使用冷凍的方法作出定位的改正；如果需要減的範圍比較多屬於比較肥胖的狀態，其實就要使用較高能量的熱光溶脂了。
