香港中環區屬於金融區域，世界各地著名珠寶、皮鞋、皮具、美容、藝術設計品牌都雲集於這個區域！中環區可以話係香港最貴氣優雅的區域！進行美容療程，或者搵醫生做醫學美容，中環區其實係一個好開始，質素有一定保證！
中環美容院有個特點，就係銷售手法同其他地區有少少不同。通常比較其他旅遊區舒服亦都比較少出現惡劣hard sell 。可能由於客戶本身高質素的關係，經常去中環美容院的多數都係中環返工的高收入、高要求客人。高收入客戶對於服務水準、銷售手法等等都會有很高的期望！能夠在中環最頂尖圈子裏面獲得認同的美容院，對於質素管理、服務水準、醫學美容機器的安全性等等各方面都比較優秀。
雖然中環美容院普遍質素都偏高，但當中的主打王牌項目、使用的醫學美容機器、地段甚至客戶等等，其實都有再細分。亦都有一啲小貼士，令到你可以去中環美容院盡情消費之餘，亦都獲得最優質最貼心的服務，最佳的效果，與及完成療程之後最完美的回憶！小編就會同大家介紹幾個有關中環美容院的小帖士，另外亦都評價七間中環的美容院。
7間高質素的中環美容院
可能有朋友會好心急想了解香港中環美容院的排名，但其實高質素的中環美容院不只一間。介紹的七間，都在各方面有出色的表現，視乎你自己的需要，可以試吓其中一間或多間！
中環美容院推介： M.i Salon（美髮）
Cathy徐子淇一身貴氣，每次出現都大方得體。佢連髮型都特別柔軟、光澤、高貴！點解？因為其實有專用嘅髮型師！大家可能好好奇，徐子淇嘅髮型師會係邊個？答案，就係中環明星及髮型設計M.i Salon。M.i Salon 除了人見人愛嘅徐子淇之外還有其他明星客人，包括謝安琪、林青霞等等。如果有需要預約最好一早致電，因為長期都好多人，如果沒有預約基本上係唔會有位。
中環美容院推介： SWISS REJU 瑞士年輕科學 （美容、纖體）
SWISS REJU是屬於少數唔會hard sell，以外國形式經營的中環美容院。提供瑞士生產的醫學美容產品及服務。連身家過億、大台高富帥上位小生余德丞、超人氣組合MIRROR 及顔值擔當Anson Kong、獲獎小生羅天宇、星夢一哥胡鴻鈞，都曾推介SWISS REJU。
瑞士品質高而價錢合理，係SWISS REJU特點。以精品形式的醫學美容中心來講屬少見。收費其實同其他中環美容院差不多，但使用的醫學美容儀器就全部係正廠正貨，CP值極高！SWISS REJU最出名就係專利纖體療程「熱光溶脂」。高科技儀器可以幫助高速改善身形，毋須開刀已經可以通過增加新陳代謝去快速減走肚腩。
中環美容院推介：CANARY Central （美睫美甲）
如果整指甲同埋眼睫毛，中環有間出名非常多名人幫襯，就係CANARY Central 。日式指甲同埋日式眼睫毛，小編曾經親自試過，質素係非常高，而且好自然，並冇出面平價地方經常出現的下垂、斷裂情況。可以維持超過一個月仍然十分之結實。CANARY屬於一間可以無限回去的中環美容院。
中環美容院推介： SeeCeciStreet （個人形象配搭）
如果講起中環扮靚置裝就一定要去朝拜一下張柏芝開的小店！柏芝在中環威靈頓街開了一間專門售賣潮流品牌、個人服飾舖頭，叫做SeeCeciStreet。SeeCeciStreet路線係個人特色設計，包括頸鏈、手袋、生活用品等等。由於設計係獨家，就唔怕同人地用相同款式。
雖然不算是傳統的中環美容院，但如果想佢改變形象，試吓不同的造型與及穿搭亦都係一個好去處。
中環美容院推介： CosMax （醫生主理醫學美容）
CosMax係中環美容院的殿堂級數，環境豪華舒適，與及最靚CEO黎姿樣貌超凡，可以話係中環美容院黃金標準。Gigi近年發展醫學美容生意，更加顯得美貌與智慧並重。其實好多人都有興趣試吓呢間中心，價錢其實唔會太平，但係保證係有原廠嘅保證！
中環美容院推介：Sense of Touch （香薰按摩）
有時去中環店買嘢shopping，行到咁上下都有啲攰！這個時候就會推薦你去中環蘭桂坊的美容院Sense of Touch做一個香薰按摩！這間主要招待外籍客人的美容院其實大有來頭，開頭的時候只有一間，由於服務與及質素良好，一直都有在香港的高尚住宅區擴張與及開設分店！Sense of Touch 雖然和其他中環美容院有提供基本的面部療程，但面部療程水準不過不失，但最出名可以話係必做的療程其實係香薰精油按摩！相比起傳統面部療程，身體按摩療程性價比仲高！小編去過一次就已經立刻愛上，自費購買按摩療程！
中環美容院推介： Levo Spa and Hair （美髮）
Levo Spa and Hair就咁睇個名，就知道有提供頭髮的服務！事實上以前啲朋友經常話中環做髮型真係好啲！小編都有同感！如果去過Levo做頭髮，都知道係一個可以流連忘返，玩一個下晝的好地方！雖然Levo都有得做面但價錢偏貴，頭髮反而性價比極高。
除了以上七間中環美容院優質推介之外，小編亦會特別讚賞四季酒店beauty spa，雖然不是傳統的醫學美容，但環境與及服務水準令人留下深刻印象。儘管可以選擇的美容項目並非十分之多，主要提供遊客美容按摩服務，未必百分百主力服務香港人，而可以提供的美容服務機器其實不多，但仍然都是其中一個優秀之選。
