最近人氣急升的日系美容療程Cellester，自從獲得日本、台灣傳媒報道之後，逆市成為市場熱門搜尋！一時間香港、中國內地等等都掀起搶購熱潮，真貨水貨假貨滿天飛！
首先要同大家講解一下，Cellester其實不是一部機，Cellester LEGEND先至係療程裏面的一部主打機！正如Hermes係牌子，Birkin係個袋。完整Cellester療程仲有不同的產品等等。
三個方法，教你分清Cellester LEGEND真貨假貨水貨！
Cellester LEGEND分辨真偽方法一：貨物源頭
如果要買真貨而你人在日本，最好都係通過日本官網（http://www.cellester.jp)。如果你喺香港，向正式代理渠道購買！其他什麼大陸網購，香港二手平台等等，多數都有問題。
Cellester LEGEND喺日本可以通過官方網站購買，你人在日本，可以直接響官網購買，呢個方法最快而且日本當地送貨問題亦都可以輕鬆解決。
如果你而家喺香港，就建議唔好懶醒用日本代購，因為日本同香港兩地所使用電壓係完全唔同，如果你屋企冇適合嘅變壓器及插頭，就算你買日本版其實都唔會有用到。香港係用220V日本係110V，如果冇合資格師傅幫你去維修調整，轉成香港可以使用的電壓，就算你買個小型的變壓器勉強去用，由於欠缺穩定性機器好容易壞的。到時維修麻煩得不償失。香港正式代理購買的Cellester LEGEND，會免費調整成為香港可以使用的電壓。消費者可以放心使用。
另外請留意定價問題，香港代理售賣的Cellester Legend喺亞洲excluding Japan地區價錢，比起日本嘅平，如果你一定要玩平行進口，直接喺香港買機去日本賣，可能咁樣仲能夠幫你搵到錢。
Cellester LEGEND香港係有官方代理，所以唔需要通過高風險渠道去冒險，輕輕鬆鬆已經可以獲得正貨保證。通過代理去買機或者租機最穩陣！
Cellester日本官網上面有列出一系列香港有售賣Cellester LEGEND的認可代理，消費者可以自行參考。
黑市佢都仲有好多類似Cellester LEGEND的同款產品，但要避免假貨，淘寶嗰啲就真係唔使諗，好多所謂「廠單」「貨尾」等等其實都係假貨，正如好多冒牌皮具一樣，呃唔到人又呃唔到自己。
Cellester LEGEND分辨真偽方法二：機器操作介面
要分辨真貨同假貨，往往就要去留心細節！外觀上好多美容機器都可以抄到十足十，但往往好多細節，就能夠顯示出真貨假貨分別所在！
正版貨開機之後，介面會顯示Cellester LEGEND logo幾秒鐘，非正版貨會直接跳去操作畫面，並冇任何相關logo。
到現時為止，市場上出現的冒牌產品、影射同類產品，暫時都未能夠跟從正版貨的製作方式。所以大家買機時候最緊要留意開機之後有冇Cellester LEGEND相關logo的顯示，如果開機之後操作介面的畫面並冇出現Cellester LEGEND logo，就要自己睇路！
其實裏面仲有其他分別，為免黑店死跟建議你直接向你的代理查詢，佢哋會詳細講解機器操作介面真貨同假貨的分別。
Cellester LEGEND分辨真偽方法三：價錢
雖然香港正版Cellester LEGEND機器官方定價比起日本平少少，但點都需要五位數，坊間幾千蚊一部機，肯定係假！
有啲人可能會話，價錢平會唔會因為係水貨？但呢個論點係唔成立，因為同一個價錢的機器，日本的定價係全亞洲最貴，香港售賣的亞洲地區行貨定價已經比日本平，冇可能由價錢比較貴的地區日本，花費人的物力將商品平行進口到香港之後，價錢仲會比香港平。邏輯上完全不成立。所以大家要有心理準備，正版貨機器價錢其實係有返咁上下，市場上見到所謂價錢極平的，唔會係水貨機，嗰啲係假機。
Cellester LEGEND的主要對象其實係美容院經營者與及專業的美容師，係一種可以用來賺錢的工具，所以價錢係商業機相約。如果想試吓睇咗效果先，亦都可以去部份日系中心試吓。
Cellester LEGEND的正確使用方式
雖然機器幾好用，大家請留意番完整Cellester療程其實係「Cellester LEGEND 機器」+ 「產品」，咁樣嘅效果會最好。
部機本身可以同任何品牌的產品配合使用。但使用射頻能量探頭的時候一定要加gel或cream，作為能量接觸的媒介。任何品牌的RF gel cream 都可以用，不一定要用原廠，不過原廠通常質感比較好。但其實香港其他網店都可以買到價錢比較平的rf gel。
咁你應該去美容院搵人幫你做Cellester，定係自己買部Cellester LEGEND機自己做一勞永逸，其實兩者都有好處。呢個取捨就要自己去諗返，當然有部份人希望透過直接購買機器去長期使用，如果你用得頻密其實的確係會有賺，你可以考慮吓自己使用量，如果使用量高可以考慮直接購入。
