中環的美容院的命運各有不同，如果平時經營比較穩陣，而且比較具備防守力的美容中心，由於之前已經有咁多經驗，面對第五波的疫情亦都有應急計劃和方案。中環美容院已經比其他地域的好好多。旺角、油麻地、觀塘一帶的美容院面對的環境前所未有地嚴峻！
第五波疫情發生之前，就已經發現一種新類型的騙案模式。本文就會教一教你作為消費者，點樣去衡量是否值得參加市場上的高價錢美容療程。如果你平時有去開中環美容院，會講一講俾你知現時香港中環美容院最新的狀況，及如何防止不法之徒呃錢的伎倆。
疫症下美容院討論
經歷過幾個月的第五波疫情，市面上的人流狀況其實已經大幅減少，無論係各行各業都會見到銷售額下降的問題！香港美容院其實都有相同情況。亦都有部份平時已經經營麻麻哋的美容院選擇在這個時候結業。
但現時，有一啲不法分子，瞄準這個機會向大眾呃錢！今日就會同大家講解一下當中的手法，同埋點樣去預防。因為這些大陸職業騙子，望起上嚟係相當光鮮，消費者如果一唔小心，就會容易啲貪圖少少利益而墮入陷阱！
大家都知道中環的美容院收費都有返咁上下，無論環境、品牌、服務等等，的確係比較好。亦都因為呢個市場定位，令到不少有心想消費或者肯花多少少錢的顧客，會將中環的美容院作為首選。見到中環美容院的環境華麗寬敞、地理位置又優越，大家已經有心理準備消費，通常都比較梳爽。
自從第二三波疫情之後，有部份中環的美容院選擇結業，原因係因為雖然有生意亦都有錢賺，但係租金真係好貴，唔想長期有壓力。亦都有部份中環美容院老闆其實係富二代富三代，基本上係有大把錢，開美容院係為興趣。因此可以隨時唔玩，尤其係見到疫情嚴重之下，就索性唞吓，等待疫情完結遲啲先再開返。
由於這個原因，這些富二代富三代的美容院其實係極為華麗，環境好寬敞，亦都擁有非常之理想的地理位置，外在條件等等係屬於極為優質，甚至可以話係over invested。
所以，當佢哋停業的時候，就吸引了老千騙子出沒！以下真人真事，大家最好留意！
冇料扮四條，金蟬脫殼呃錢方法曝光
在亞洲社會，總會有一種先敬羅衣後敬人的思想，對方身光頸靚，好多人以為一定係好有錢好有貨。但其實唔知道對方根本係一個江湖老千。
以下事件，就發生喺第五波疫情爆發之前一個月。亦都可以話係相當近期的事件。
之前有朋友問，「你有冇聽過中環XX美容院？」
我話有，當然有聽過啦，佢前排都好似冇做喎。
朋友就覺得好奇怪，因為上個星期先上完去，點解我又話執咗？
我一聽就覺得有啲古怪，再去追問，就發現咗一樣非常之令人驚訝事情，就係有老千借屍還魂！
中環有幾間華麗裝修，地理位置非常靚仔的高級美容院在過去一年結業，由於疫症第1234波是反反覆覆地發生，不少美容院對於擴張營業都係採取觀望保守態度。以前只要一有美容院放租，光速就會租出；但由於疫症嚴重，仍有靚裝修的美容院空置，造就了不法分子的有機可乘。
好彩我提一提我朋友，因為佢差少少就中招！
對於朋友所講的中環美容院，我自己都識嗰個舊老闆，知道佢應該係因為疫情問題會暫時放假，同埋老實講之前都唔算特別係好積極經營，佢本身都有其他家族生意、屋企亦都有好多物業可以收租，所以佢其實唔係好上心經營。老實講之前都唔算特別多生意，本身又唔係特別hard sell，玩票性質。因此，佢可以隨時休息。
我親自向相關的老闆求證，佢根本就冇重開，亦都冇頂手俾其他公司。前老闆係一個典型的太子女，靚靚女女又冇乜機心，所以就諗住既然小店都唔想經營，執咗佢就算。反正裝修咁靚業主都可以俾佢唔需要還原，仲慳一筆錢。
但係，佢冇諗到原來被有心人直接接管！仲有個新公司Facebook！
基於好奇心，我都直接走去現場睇一睇究竟發生乜事。果然！一打開lift門，現場見到該美容院係燈火通明，係有營業！而且仲係用返舊公司的名字營業！仲有個十分之有風塵味的小姐姐出嚟招呼。
雖然裝修仍然咁靚咁時尚，但係裏面經營的人變成一班非常MK、風塵撈味姐姐，同之前上一手高格調格格不入。就好似你去到四季酒店，但發現佢拎出嚟嘅食物，竟然係M記金拱門食品一樣。兩者相差太大令人感覺奇怪，一睇就知有問題。
我之後再直接向相關的物業公司攞證據，原來，舖位已經租出，但由於上一手業主做事粗心大意，雖然業主已經批准因為裝修好靚並不需要還原，但佢自己冇去拆招牌。原有的招牌仍然掛出嚟。下一個接手的租戶，就直接盜用名字繼續經營一段時間！
聰明的你們，都可能估到件事會點樣發展。明明租咗舖頭，但見到人哋冇拆過招牌落嚟，就諗住搏懵，繼續使用別人的品牌去經營，但又冇付出任何的頂手費、加盟費、license fee、直接偷用的別人的名字！咁就可以免費free ride上一手之前的廣告同部份客戶。開個新Facebook就可以！
然後，收三個月錢之後，名正言順話光榮結業執笠，轉頭掛番自己個排頭上去，咁你之前嗰三個月賣出嘅療程，就可以話已經轉咗公司唔認數！要用返，當然要加錢啦。仲有，將所有債務與及問題，直接賴落前太子女度。
客人就比較慘，買幾萬蚊嘢，突然間乜都冇晒。
我提一提太子女，你可能已經賴嘢。佢一聽就知自己太粗心大意！即刻去管理處要求約時間拆走原有招牌。避免黑店有機可乘混水摸魚。
在大部份情況之下，中環的美容院其實操守都良好，但係始終經濟大環境唔好，都難免有部份有心人將不良銷售手法、蠱惑MK操作帶入中環，依家唯有多加小心！
如何分辨中環美容院係正當經營？
其實中環都仲有好多好正當經營的美容中心，其實值得大家去留意同推薦。
正當經營的美容院有幾個特色：
- 位於中環黃金地段的大街
- 員工談吐正常，斯斯文文，對於員工要有一定的專業形象要求
- 員工對於客戶的問題能夠迅速回答，熟悉公司的產品，而不是一坐低就即刻叫你開單
- 網上的聲譽正常，並非幾百個負評的黑店
- 所處的大廈擁有正式的管理公司，會有正式禮賓部、管理員
- 租用甲級商廈
中環美容院門面都通常比較光鮮，你可以留心一下員工的水準是否符合中環水平。
當然冇一個辦法可以百分百分辨騙子，但起碼可以通過細心的觀察去減低中招的機會。尤其係部份被不明人士佔領的中環美容院，借屍還魂，你要細心傾多幾句，了解多少少先至去購買療程。
真正正當的中環美容院其實點樣做生意？
有啲人會以為中環美容院一定好貴，但其實中環美容院其實有好多不同的價位，尤其係如果本身係屬於富二代、富三代開辦的美容院，其實價錢係非常抵，因為佢哋根本目標唔係全部用嚟搵錢，反而係用嚟搵個地方當係私人俱樂部咁樣經營。有部份係富二代用嚟溝女使用！咁所以價錢唔算好貴，其實佢哋主要係想見下啲靚女、明星、Model。這類型的中環美容院其實價錢不貴，而環境係極優質。
另一個例子，某間中環極靚的美容院，其實係護膚品牌老闆所經營，其實主要目標係用作show room ，極華麗的裝修，其實係用作招徠代理商月及其他美容院的老闆入貨作用。真正喺裏面售賣的療程其實不多，而且價錢亦都好平，因為佢根本只係諗住食大茶飯，冇諗過真係逐個Facial同你計，所以價錢係好平好平，中環極靚環境。
如果有興趣選擇和比較正當經營中環美容院，可以優先考慮這兩間位於中環黃金地段醫學美容中心。
SWISS REJU ：瑞士美容纖體和健康管理，中環干諾道黃金地段，擁有絕佳的地理位置與及全球先進的美容纖體機器，獲得大量媒體與及明星分享
Leciel Medical ：利思奧醫學美容中心，有著名醫生黃天厚創辦。
這兩家都是屬於比較有規模的中型醫學美容中心，地段都係位於中環的核心商業位置，而且信譽良好，有興趣比較不同醫學美容服務，可以優先考慮這兩間。
