隔空溶脂原理，為何坊間有好多都唔係真係隔空溶脂？
你問十個人，有八個都聽過隔空溶脂！不過對於隔空溶脂原理就唔係個個都咁清楚，事實上好多市場上嘅減肥機器都唔係真係真正嘅高能量隔空溶脂， 有部分平價美容院嘅所為隔空溶脂，其實只係去水腫嘅科技。所以呢啲一定要搞清楚究竟乜嘢係真正嘅隔空溶脂，乜嘢唔係。
隔空溶脂原理，其實就係使用高能量去幹擾同埋改變脂肪狀態，令到一啲腫脹嘅脂肪細胞，通過超聲波／射頻／激光／微波等等技術去令到脂肪細胞爆破。甚至某部分嘅技術，可以令到脂肪細胞經唔起高能量嘅刺激而自行凋亡做到無創減肥嘅效果。隔空溶脂技術效果媲美舊式嘅抽脂手術，只不過現代嘅技術就先進好多，基本上係完全唔需要任何入侵性嘅方法（一支針都唔需要打）嘅情況之下，就可以令到多餘脂肪細胞離開。
隔空溶脂技術喺外國係相當盛行。激光或者射頻形式嘅隔空溶脂已經相當成熟，電磁波亦都慢慢進入主流市場。隔空溶脂原理亦都獲得國際大型監管機構例如美國FDA嘅認可，所以可以話係具備一定嘅科學嚴謹程度，真正做機減肥具備科學原理去支持，並唔係純粹去水腫咁簡單。
但係香港做隔空溶脂就要小心好多。亦都建議消費者首先去比較同埋認識呢個科技。因為相比起外國監管精密嚴謹嘅情況，香港隔空溶脂市場其實都幾鬆散，甚至可以話係有良莠不齊嘅情況出現。
有部分根本並非傳統真正醫療級隔空溶脂技術嘅科技，都悄悄咁樣走入咗香港嘅平價美容市場，令到市民混淆究竟乜嘢係隔空溶脂，乜嘢唔係。
要稱之為真正隔空溶脂嘅科技，就一定要可以『改變脂肪狀態』。直接改變脂肪狀態先至係無創纖體嘅原理，如果高能量未能夠有效改變脂肪狀態嘅話，佢嘅效果就只留於暫時性同埋表面性，英文就叫做transient effect，即係一種非永久性嘅暫時效果。只能夠出一身汗的話，其實就唔係真係高能量隔空溶脂，只係養生去水腫等等。呢類型機器如果係主力幫你出汗同埋加快新陳代謝，可以稱為養生機器，但係就唔可以叫做真正嘅減肥機，或者隔空溶脂機。
要能夠真正稱得上係真正有長遠效果嘅隔空溶脂機必須要有以下幾種高能量技術其中一種或多種否則，只係去水腫，長遠一定冇效！
隔空溶脂原理1：高能量激光 （Laser Lipolysis）
隔空溶脂原理2：高能量射頻 （Radiofrequency）
隔空溶脂原理3： 微波 （Microwave）
隔空溶脂原理4：超聲波 ／ 聚焦超聲波（又稱為HIFU）
隔空溶脂原理5：電磁波 （Electromagnetic Waves / HIFEM）
咁而家都會清楚咁定義同埋界定一下，乜嘢類型嘅減肥機，冇資格稱為隔空溶脂。
如果只係幫你出汗嘅桑拿／紅外線機， 佢可以稱為養生機， 但係唔可以叫做隔空溶脂。因為佢嘅原理並非直接刺激並且改變脂肪細胞狀態。
一般嘅家用或者平價按摩店使用嘅負壓吸力養生機器，價錢其實都好平，講緊一千蚊已經可以買到。普通嘅網購或者係大陸淘寶其實都可以買到呢類型機器。如果純粹作為養生用途係可以嘅，起碼可以加快身體循環。但係就並非一個傳統嘅做機減肥好選擇。因為佢本身並冇刺激啲肪細胞或者的是脂肪細胞改變狀態嘅作用。 呢類型嘅科技，通常都冇任何嘅科學證據支持，真係做到任何永久性嘅減肥的效果。
隔空溶脂可以做到乜嘢程度嘅效果？
相信大家最有興趣去了解就係隔空溶脂效果可以去到幾犀利？ 要點樣做法先至會真正有長久效果？ 尤其係如果自己本身唔係特別鍾意運動，或者活動量都唔係高嘅時候， 隔空溶脂療程係咪適合你自己去做？
對於隔空溶脂效果，香港其實有值得參考嘅資料真係唔多。
香港現時醫學美容市場有隔空溶脂效果資訊，主要係來自兩個資料來源。
- 隔空溶脂機器生產商官方資料
- 個別美容院案例前後對比圖
比較大型嘅醫學美容生產商引入市場隔空溶脂機器時候，通常都會去一啲外國大型監管機構作出認證，亦都會搵相關嘅大學研究員去幫手量度做機減肥效果。通過學術論文與及其他較為具備認受性嘅醫學美容期刊發表最終前後對比成果。 由於發表研究報告過程都比較嚴謹，需要通過一定學術監察與及監管，呢個途徑嘅空溶脂效果資訊，可信程度比較高。
當然香港嗰邊美容院亦都會提供隔空溶脂效果前後對比圖但係呢類型圖片嘅可信程度， 嚴謹程度等等方面都會比較參差。事實上有好多使用沒有任何監管。甚至不明來歷機器小型美容院， 都會自己貼出前後對比圖， 但無論拍攝角度燈光時間等等，全部都冇清楚。甚至有部分直接使用虛假嘅圖片，通過P圖手法去假扮偽造纖體效果。尤其係一啲本身欠缺誠信又或者欠缺規模嘅小型公司就更加出容易出現以上嘅種種問題。
比較隔空溶脂效果時候首先就要避免被一啲網上誇張偽造虛假前後效果圖片吸引。咁樣你先至能夠低較冷靜同埋客觀感去考慮不同嘅技術。由於冇辦法去求證真偽呢類型嘅前後圖片，睇下就好，當係參考下但唔好過份依賴。
越誇張嘅圖片就越值得大家去留心同埋用保守嘅角度去看待，始終好多人都想瘦，但係都唔好喪失理智！
究竟隔空溶脂效果會係點樣，正常合理嘅預期，會有見到乜嘢嘅變化？
首先要搞清楚隔空溶脂其實並唔係一個『減輕體重』嘅方法。隔空溶脂其實係做局部性身體線條優化。 但隔空溶脂療程其實唔會有任何減輕體重嘅效果。
所以首先要提醒一下，隔空溶脂效果係係需要通過軟尺去量度cm，並非通過磅去量度kg。要去真正發掘效果就請首先使用正確量度方法！
隔空溶脂效果發揮最好， 需要通過日常飲食與及運動量調節去幫助溶脂效果其實對於本身身體脂肪比例不算太高，BMI 30或者以下嘅人會係有最理想效果。
由於隔空溶脂原理係通過高能量處理脂肪細胞， 令到部分經過處理後嘅脂肪細胞凋亡，通過新陳代謝離開身體。 擁有正常好嘅新陳代謝速度，能夠排走毒素嘅微循環系統，對於隔空溶脂效果係極為重要。
雖然隔空溶脂效果本身係因人而異，但其實通過科學化嘅方法，係可以提升效果：
療程前補充足夠身體水份。 無論係香港常見『射頻隔空溶脂』（例如英國品牌BTL Vanquish），抑或係現時香港最新引入市場嘅『微波隔空溶脂』（例如南韓品牌Young In），兩者其實都可以通過補充足夠水份令到射頻或者微波可以充分發揮加熱脂肪效果。 參加者可以喺進行療程之前一日 + 當日 +之後一日都補充充足水分。
配合其他類型機器進行持續纖體與微雕。 隔空溶脂可以提供一個完全無創而且相對舒適嘅方法處理脂肪細胞。通過配合其他類型熱能療程可以加強做機減肥效果與及做到重點改善特別位置作用。外國不少醫學美容診所，都會建議在進行隔空溶脂之後一段時間之後，配合其他類型減肥機器操作。 尤其係曾經作出大規模大幅度減肥嘅參加者，可能會發現自己皮膚會喺減肥之後變得鬆弛不雅觀。呢種情況之下可以通過其他熱能類型機器去作出重點改善，與及促進膠原蛋白生長。
飲食配合。隔空溶脂並非不良生活習慣嘅藉口，通過控制卡路里攝入量，其實可以避免脂肪繼續增長的問題 （低醣飲食／補充蛋白質減少胃口／蔬菜素食等等方法）
了解最新隔空溶脂價錢
有鑑於現時香港隔空溶脂價錢相差極為巨大， 價錢應該點樣計先至叫做合理範圍？ 點樣先至可以避免不必要嘅價錢投訴，又或者係常見嘅hard sell問題？
一講到隔空溶脂價錢問題， 就一定要首先提醒大家平價或者單次收費嘅真正成本其實相當高甚至遠遠高過一啲正當有規模嘅地方。千祈唔好一見到價錢平，就即刻參加。因為往往好多問題同投訴，就係嚟自對於低價錢隔空溶脂嘅執著，與及對整體醫學美容消費模式嘅唔了解。
上網睇下無論係facebook或者ig，都好都有好多隔空溶脂嘅減價優惠廣告。但係點解當你選擇嘅時候『價錢』反而唔係最重要嘅因素呢？因為香港現時隔空溶脂嘅操作方式，係有好多種。亦都有部分係標榜『低價錢但係低效果』。
甚至有部分不良經營嘅美容中心會用各種偷龍轉鳳，你入上去試做嘅時候價錢係好低，但係真正去落手落腳操作時候就會幫你偷偷地轉用成本更為低下嘅劣質機器。 所以你見到網上嗰啲廣告隔空溶脂價錢平， 其實正正代表隱藏咗好多問題，所有風險你都要仔細去了解清楚。
隔空溶脂價錢特別低，有可能代表：
- 極低價錢吸引消費者到達舖頭之後，再進行幾個鐘車輪轉hard sell銷售
- 第一次價錢極低，之後後續療程價錢高，拉上補下最終仍然能夠以高於市價出售療程
- 使用盜版機器，或者不明來歷的廉價機器
- 使用非原廠配件與及耗材
- 使用已經過期或者二手報廢機器
- 操作時間極短。例如報價$200一次，但只係操作5分鐘
- 僱用沒有經驗的初級治療師或者美容學徒去幫你做隔空溶脂療程
香港市場上價錢幾低嘅隔空溶脂都有，但係唔係個個都值得做。有部分不單止係傳統低價隱藏成本陷阱，更加多係瘋狂hard sell，上去就預咗跌錢損失。亦都有部分根本上係二手報廢機器，危險得嚟又欠缺長久效果，做嚟都嘥時間。
所以你要諗一諗，隔空溶脂成本大概係幾多。點樣先至叫正常合理價錢範圍。
與其追求隔空溶脂價錢低，應該追求『合理成本』與及『 良好營商方式手法 』。好多追求標榜低價錢嘅做機減肥小店或者所謂嘅單次收費美容中心未必能夠畀到高質素服務您只有通過良好營商手法嘅地方先至能夠為您設想，幫你尋找低成本高效益方案。
香港隔空溶脂價錢，完整療程價錢介乎$20, 000 - $60,000。比較具備規模嘅中型美容中心正版機價錢經過折扣之後大約$20, 000 - $35,000。 以上價錢已經包括諮詢服務同埋幾時做機減肥。部分中心會提供額外贈送產品或者少量嘅回贈。
如果想慳錢或者將成本控制度最低，就唔應該去搵一啲所謂單次收費美容中心或者係標榜平價錢嘅不知名店舖。而係應該集中整合資源，務求一擊即中，選擇具備相當成功經驗個案而且可以少量購買嘅『有規模正規正道美容院』。
點樣做隔空溶脂先可以避免被hard sell？
啲人成日問有冇隔空溶脂美容院係唔hard sell？其實係有嘅。不過嗰啲唔係市面上做最多廣告嗰幾間。你喺youtube或者網上見到好多廣告嗰啲，一定係最sell！
古人有句說話，叫做『知己知彼，百戰不殆』。即係話先行瞭解自己與及對方嘅意圖與及選項，就可以估計出不同嘅結果，從而用自己比較有利嘅方式部署準備。
好多人都想做隔空溶脂，最大嘅顧慮其實就係部分美容院不良銷售手法，例如困你喺間房裏面強迫你碌卡，又或者係一路做一路瘋狂推銷，令到你煩自己攞銀包出嚟叫佢收聲。 另一種就係價錢睇人開價，海鮮價，務求賺錢賺到你盡，你手上嘅每一蚊都舐走！呢個不幸地係香港幾普遍常見嘅美容院黑暗操作方法。
想做隔空溶脂但係又驚hard sell？而家就教你點樣由部署第一步開始，你每一步都行啱，令到你知己知彼，佔有絕對優勢！
要做隔空溶脂，同時又想避開坊間美容院既不良銷售手法，你自己可以做嘅比你想像中多。但係個方式，就唔係一般市民會諗到嘅方法。
好多人諗起去美容院會覺得有壓力，因為覺得會畀一堆顧問圍攻，又或者一路做嘅時候嗰啲美容師會一路推銷，令到你自己都唔好意思拒絕，但買得多就會驚浪費。所以坊間亦都有好多所謂嘅應付方法，有部分就可能會用比較粗魯嘅方法同美容院顧問相處，希望嚇走對方；有啲就會教佢扮瞓覺唔出聲，但呢啲咁幼稚小學雞又失身份嘅方法，其實係不單止冇用，最慘係你自己仲要因為呢啲不良銷售手法而搞到好似神經失常咁樣！又要扮呢樣又要扮嗰其樣。明明有問題嘅係佢，但係搞到神經失常嘅係你。真係得不償失！
最大問題係即使你扮乜都好，如果係一啲不良銷售嘅黑店，其實無論你講乜嘢，扮瞓覺又好，甚至扮傷殘人士都好，佢哋都會照去hard sell你！
要避免墮入消費陷阱，其實最重要就係由選擇適合嘅機構開始。 機構本身企業文化係點樣， 銷售模式係點樣，或者服務水準，其實好少會因為個別客人嘅需求而改變。如果本身銷售模式同埋企業文化係黑店你點樣做點樣講其實最後都係會遇上相同嘅情況。
所以如果你要成功嘅話， 最安全嘅方法其實係選擇『正規機構』。
正當正規嘅美容院，價錢一定唔會係最平。因為使用嘅係正版機器，係通過代理渠道購買正廠一手機，兼且願意投資時間金錢為員工作出適當培訓等等。租金方面亦都會搵一啲正當經營嘅地方例如甲級乙級商業大廈，以唔會去一啲所謂嘅劏房或者劏場進行。正規正當嘅機構，亦都會為職員購買勞工保險，為顧客購買第三者保險等等，以策安全。以上種種嘅正規經營手法其實都係成本，正當嘅地方其實越唔會用一啲極低嘅價錢去做招來。
另外通過仔細觀察都可以去避免一啲令自己出現失預算嘅情況。
隔空溶脂其實係需要進行幾次先會見到效果所以有心理準備你係需要買療程，唔適合單次收費。 單次收費嘅隔空溶脂其實唔會為你嘅最終減肥結果作出任何承諾。甚至喺廣告方面已經一早打定底帶定個頭盔，話咗效果因人而異！一般稍為有少少規模嘅美容中心都會畀你睇下大約前後會有啲乜嘢分別，雖然好多都係使用樣板或者廠商嘅圖片，都叫做畀你睇下估算之中有啲乜嘢效果。好多呢啲所謂嘅單次收費美容中心連相都唔會畀你睇，你已經大概知道效果質素係點樣。
標榜價錢好低嘅單次收費美容中心，其實仲有其他服務方面嘅缺失問題。包括難以預約服務，熱線永遠都冇人聽，冇人知道你嘅減肥進度，完全冇跟進連，安全措施都唔做等等，以上咁多問題，其實都係常見於坊間好多間隔空溶脂單次收費地方。事實上好多價錢都真係好平，不過減肥效果亦都真係好普通。 最大鑊嘅就係雖然係單次收費（自稱），但其實最後職員一樣會hard sell叫你買嘢，預先買定幾次。唔好以為單次就唔hard sell，好多間單次都幾sell。
