係人都想靚，人始終都係需要適當嘅娛樂同埋調劑。一味慳慳慳其實都唔係方法！有時太過計較只會令自己辛苦。現時好多美容院都有不同嘅優惠，令到大家可以喺唔需要購買大量療程嘅情況下都能夠去享用一啲最新嘅美容科技，就好似做機減肥咁樣。做機減肥以往就可能真係一啲中產或以上階層嘅玩意，呢幾年多咗好多中價嘅選擇，亦都質素唔差值得大家注意。
講起去美容院慳錢，好多人第一時間就會諗起所謂嘅單次收費美容中心，又或者一啲名不經傳嘅好小型商場舖仔，呢啲都可能幫你慳到些少， 但係其實有更好嘅方法。
香港好多高級嘅自助餐都非常之受歡迎，好多本身參加非常富有嘅有錢人，亦都鐘意去呢類型嘅六星級酒店自助餐，因為一個價錢已經可以任食！其實性價比係好高，尤其是如果你自己已經有心水想食乜嘢，例如一啲比較昂貴又稀有嘅食材，龍蝦生蠔牛扒魚生等等，一個價錢任你揀任你食都真係幾抵。難怪咁多有錢聰明人都選擇呢個方法。甚至有部分去食自助餐嘅人會計住點樣食先至回到本！雖然呢個方法就係比較極端，但係通過仔細嘅計劃的確係可以將性價比無限放大，一次過食到飽，賺到盡。
同一個道理做機減肥一樣可以幫你慳到盡，賺到盡。坊間有部分療程其實係可以好似自助餐咁樣，自由選擇機器，裏面亦都好似自助餐一樣有啲係屬於較高價值嘅美容機器。一早已經去計劃定做邊類型嘅機器，集中精神去做一啲比較高價值嘅療程，就能夠將你嘅性價比提高！
平價做機減肥一定低質素 ?
做機減肥討論區都有好多相關例子，但似乎坊間一般市民嘅反應就不一，始終有部分標榜好低價錢嘅單次收費美容中心，或者一啲街坊美容院使用嘅機器，本身唔係一線嘅優質外國機器。可能係使用一啲內地機器又或者甚至係一啲假冒嘅機器！之前海關都曾經拉人，拘捕咗一大堆使用假冒山寨減肥機嘅美容中心東主。熱光溶脂，冷凍溶脂，onda 減肥，幾種其實都有山寨機器同埋冒牌貨流通於市面！
如果你現時手上嘅預算唔多，係咪代表一定冇辦法去享用一啲較為具備質素嘅美容療程呢？好多人對於有美容品牌都有戒心，因為好驚會被hard sell令到自己大失預算！明知機器可能靚啲，但係自己都唔想花錢去做，始終驚遇上不良銷售情況。但係見到坊間嗰啲平價做機減肥又唔敢做，驚係翻版貨或者係大陸機。平價唔代表一定有問題，其實係視乎你有冇門路方法去處理。
平價做機減肥方法1： 留意非繁忙時段優惠
正如睇戲都有非繁忙時段早場優惠，價錢會比較平！酒店機票都有某些特定時段優惠。你自己去美容院嘅時候可以留意一下。好多具備質素嘅美容中心，其實都有非繁忙時段優惠。有部分係會直接價錢扣減，有另外一啲就係可以免費升級使用更為貴重同埋新穎嘅減肥機。呢啲可以去詢問。
平價做機減肥方法2：善用酒店美容spa中心
相信大家都見識過香港好多美容院都係採取hard sell銷售嘅方式！呢類型嘅情況如果你自己本身有相當金錢預算都還好，因為你本身都諗住去買幾個療程享受一下！但如果自己本身唔係好大嘅預算，就會建議你留意一下酒店嘅美容中心或者水療中心。
規模嘅酒店其實都有減肥機服務。當然唔會係好似醫美診所咁多同埋咁齊。但係好多都會有一啲市面上常見嘅減肥機器，由於你自己本身只係諗住做幾次或者唔係諗住買一個完整嘅多機器減肥療程你本身都係諗住做一兩部機呢種情況之下可以考慮酒店嘅 服務酒店一般嚟講唔會太過hard sell，亦都適合一啲比較小型預算以內嘅客人。
平價做機減肥方法3：善用自助餐形式任選機器療程
香港有部分嘅專業美容纖體中心，係可以提供一個價錢任揀任做嘅服務。即係話價錢已經包咗幾種不同類型嘅機器。唔需要另外收費。呢類型嘅療程其實就適合一啲乜嘢都想試下，乜嘢都想比較下嘅客人。唔需要有一個大額嘅預繳，或者一定要按機器購買。始終好多人都未做過減肥機，或者就算試過一兩部，都想再比較多幾種不同技術。因此呢個情況之下會比較適合！我哋就精選咗幾間喺文章最後面為大家推薦。
做機減肥有用嗎？真正慳錢方法
如果真係想做機減肥獲得最理想嘅效果，除咗以上幾種慳錢方法之外，最重要都係你自己要做足準備功夫，調整你自己生活習慣同埋飲食！
好多人成日都想知道究竟做機減肥有冇用？始終要投資一個數目，都想知道係咪真係會有回報，有冇乜嘢辦法保證到成果。
然而真正可以令到你做機減肥達到最優秀效果嘅，其實唔係美容中心，而係你自己！
減肥其實從來都唔容易。即使而家有個種嘅輔助形式包括溶脂機，營養師等等， 其實佢哋嘅作用都只係輔助你去更快獲得你心目中要嘅成果。好多良好嘅減肥方法，其實係免費，不過就一定要你自己自我監察，否則其他輔助方法係會有幫助，但係如果淨係靠輔助方法個價錢就會貴少少。
如果你自己係明星名媛闊太，係一個唔使點做大把人服侍嘅狀態，甚至可能有美容機構贊助你做機減肥，又自己有私人教練私人營養師嘅話，的確係可以通過做機養生享受等等方法，keep得到相當美好嘅身形。但係如果你自己係一般嘅市民，需要量入為出嘅話，其實就最好先了解一下呢類型嘅療程點樣幫得到你減肥，同埋你自己喺生活方面點樣配合。
千祈唔好咁天真，諗住坊間所謂嘅單次收費美容中心做機減肥就可以幫到你。大把失敗例子喺你面前！如果你自己冇任何嘅心係想改善自己，通過比較好嘅生活習慣去阻止自己繼續肥落去嘅話，以上種種技術其實都唔能夠發揮應有效果。
就算係一啲具備規模有質素嘅公司都幫你唔到嘅時候，所謂嘅單次收費美容中心點樣幫到你呢？大把人做幾十次之後都係零效果！
以下幾個方法，就真係可以幫你加快做機減肥成果，而且呢啲係完全唔使點用錢！
不用錢加強做機減肥效果方法1：盡量早瞓 睡眠本身係可以幫你調節自己荷爾蒙分泌。瘦體素嘅分泌其實就影響你減到肥定減唔到肥。因此如果你自己本身唔係太大budget但亦都希望快速減肥嘅話，就盡量唔好玩電話玩到咁夜！盡量爭取時間喺十一點前休息，令到自己嘅瘦體素可以得以正常發揮！否則成日通頂就，只會令你越嚟越肥，到時又要花錢去美容院搞。
不用錢加強做機減肥效果方法2：高蛋白低醣飲食 飲食對於減肥嚟講真係好重要，千祈唔好有錯覺，以為去美容院做機減肥就代表自己可以亂食嘢，或者乜嘢走去食！呢個係好多人嘅常見錯誤，我自己本身都有朋友去買減肥療程，但係佢每次去之前就去飲杯（高糖）珍珠奶茶，再食燒賣先至開波！咁樣做完全係抵消曬所有做機減肥嘅成果！好多高蛋白有營養嘅食物，價錢都唔貴，例如雞蛋，或者蔬菜等等。點都平過自己出去亂食嘢！有恆心去改善優化飲食，就能夠提升你做機減肥嘅成果。尤其係當你自己本身開始燃燒自己體脂肪嘅時候，再去通過高能量機器就能夠事半功倍。
不用錢加強做機減肥效果方法3：選擇最適合自己類型嘅機器 你要真係慳錢同賺到盡，最緊要就係識得精打細算，應買則買！適當購買需要嘅機器，而唔好浪費金錢係一啲對你嚟講冇乜效果嘅療程，因為係減肥嘅不同階段同埋你自己嘅體型，所適合嘅機器其實完全唔同。 舉個例坊間好多人好鍾意講嘅增肌減脂機器，其實係比較適合瘦底而唔係適合肥，療程後期使用效果會比較好。 太早期即刻走去開始用呢類型機器，其實只會浪費金錢。 熱光溶脂，冷凍溶脂，onda 減肥，Emsculpt等等其實使用不同嘅原理需要先行選擇適合自己嘅機器。
不同做機減肥價錢預算，有乜嘢選擇？
而家就會同大家介紹一下不同嘅做機減肥預算大概會有乜嘢嘅機器或者服務選擇。其實無論任何價錢，都有不同嘅選擇。
做機減肥價錢預算：$30,000或以上
如果你自己本身收入唔錯又或者係一個幸福少奶奶，有老公資助你做機減肥你，預算可以鬆動少少係$30,000或者以上，其實都已經有幾多質素唔錯嘅選擇。呢一個預算範圍，其實可以做幾次嘅溶脂。 呢個亦都係市面上有規模，使用正版正廠機器嘅醫美診所嘅收費。 大部分嘅上市集團收費都超過六萬或以上。
做機減肥價錢預算$30,000或以上選擇包括:
- 熱光溶脂 全球頂尖技術SWISS REJU，Sculpsure
- 冷凍溶脂 美國Coolsculpting，韓國Coolshaping，韓國MiCool，西班牙Cooltone
- 隔空溶脂 韓國Young In隔空微波溶脂，英國Vanquish
- 微波溶脂 意大利Onda Coolwaves
做機減肥價錢預算：$10,000 - $25,000
即是如果你嘅預算中等，大概預$10,000 - $25,000呢個數目去做機減肥，亦都有呢個價位嘅選擇通常呢類型嘅價錢係比較適合買一啲中規模嘅醫美診所或者美容院去做，尤其係中環正當經營嗰幾間會比較好。呢個數目，其實就唔太適合去大型上市公司，因為標榜跑數為主嘅大型上市公司，呢類型嘅細數目單其實佢哋唔係太著緊。就算你心目中可能已經set咗budget limit畀自己， 你去一啲大型嘅機構其實佢哋都會盡量去即場upsell你， 你推我讓之間都有機會買多咗，有時會真係超出你自己原本個預算。
做機減肥價錢預算$10,000 - $25,000或以上選擇包括:
- 熱光溶脂 全球頂尖技術SWISS REJU
- 冷凍溶脂 美國Coolsculpting，韓國Coolshaping，韓國MiCool，西班牙Cooltone
- 隔空溶脂 韓國Young In隔空微波溶脂，英國 BTL Vanquish
- 微波溶脂 意大利Onda Coolwaves
做機減肥價錢預算：$10,000以下
如果你做機減肥嘅價錢預算係再低少少，講緊希望係$10,000以內完成嘅話，都唔係完全無選擇，不過由於你自己預算真係唔多，要好小心去揀。 尤其係你自己冇乜彈藥嘅情況之下就更加要小心唔好浪費。千祈唔好太過相信同埋迷信所謂嘅單次收費美容中心，唔係真係單次收費㗎！呢類型嘅情況其實會建議你選用綜合療程，整體性價比最高。
做機減肥價錢預算$10,000以下選擇包括:
- 熱光溶脂 全球頂尖技術SWISS REJU
- 冷凍溶脂 韓國MiCool
- 隔空溶脂 英國隔空溶脂 BTL Vanquish
- 各種大陸機器
做機減肥價錢預算：$5,000以下
以你現時預算，係未足以進行真正有效果嘅溶脂療程。建議可能要通過其他方式去自行減走脂肪。可供選擇就只係得成本極平嘅其他不知名大陸機器，或者係黑市盜版機器。嗰啲其實唔係好值得做。
平價做機減肥如何避免被hard sell？
如果唔想去咗一啲所謂嘅黑店嘅話，千祈唔好貪平！好多所謂嘅小店就出事。 因為好多所謂嘅小店其實就代表冇規模，冇管理，冇企業文化， 簡單嚟講就係乜都冇嘅地方。 淨係得部機同埋一啲唔知有冇受過訓練嘅職員。好多所謂嘅小店，其實就係問題溫床，你上網睇下都見到大量嘅問題個案。
對於如何防止被美容院hard sell，網上都有好多不同嘅意見，但係好多都唔係好實用：
- 有網友就分享心得話你去美容院唔好帶銀包！（唔帶銀包出街咪好危險，好唔方便？）
- 有部分有就會建議你黑口黑面行入去，嚇走啲顧問（無啦啦自己做黑面神，趕走自己運氣同財神？）
- 甚至有部分網友就建議著紅色胸圍紅底褲！為左提升自己霸氣，就好似賭場咁樣要著條紅bra紅底褲增加氣場！（非常之迷信而且唔科學，另外邊度搵條唔老土嘅紅底褲？你男朋友見到你仲以為你婆仔）
頭先所講嘅所謂hard sell情況，其實無論你著乜嘢顏色嘅底褲，用乜嘢表情行入去，帶唔帶銀包都好，其實都唔會影響最終嘅結果！你如果去咗黑店，其實你都係會畀人哋sell爆你！你著三條紅底褲結果都係一樣。
做機減肥防止hard sell方法一：避免上市公司大集團
如果你自己真係好驚人sell嘅話，其實最好就唔好去一啲超級大規模嘅集團式經營上市公司，嗰幾間係一定會sell爆！無論你用乜嘢方法都好，佢都一定有辦法用各種方法壓迫你！ 人海戰術又好， 單對單又好，出動埋養鬼仔都好，乜嘢方法都有。呢啲大集團其實只係適合你有大把預算諗住洗錢嘅人， 如果你淨係諗住兩三萬就搞掂嘅話其實就真係唔好浪費時間。嗰啲其實係預咗你一年洗大概二十萬以上。
做機減肥防止hard sell方法二：避開大型商場美容院
如果你自己真係諗住小本試下做機減肥，唔諗住花大錢嘅話，另外一個貼士就係唔好去一啲大型高級購物商場裏面嘅連鎖美容院。商場鋪租金貴，尤其係具備相當消費力嘅中高級屋苑商場就更加要留心！高級屋苑商場嘅連鎖美容院，好多時候都支付緊好貴嘅租金，職員每日嘅銷售kpi其實好高，除非你自己有預算洗錢，否則永遠都未必有時間畀到你。
當你自己嘅預算唔係好多嘅時候，最好嘅建議就係搵一啲有誠信嘅中營機構幫你去做。 大型嘅連鎖集團就一定會sell爆你，細舖亦都有好多經營上嘅問題。中等規模嘅機構就最適合你。
做機減肥防止hard sell方法三： 避免油尖旺完全不知名樓上鋪美容院
做機減肥討論區都有好多受害者例子，係講緊油尖旺區！呢個區域真係屬於比較容易出問題嘅地域，有非常之多嘅美容黑店！尤其係所謂嘅美人計，美男計等等。 如果本身預算唔係太低，又或者唔係對呢啲區域本身嘅行業生態熟悉嘅話，最好都係避免高危地區。
值博率比較高嘅做機減肥品牌：
之前同大家介紹中環高性價比減肥療程，其實以下呢幾間都係值得考慮。以後就係2間比較高質素嘅地方值得大家優先去了解！
中環SWISS REJU
擁有大量頂尖美容院減肥機技術，而且一個價錢可以自由選項，屬於性價比極高必賺項目。曾經被多個明星著名明星推薦，包括人氣男神余德丞，亦是唯一一間美容院曾經和人氣男團MIRROR官方合作MV。獲得國際大型美容權威Cosmopolitan頒發Best of the Best Awards。屬於最新一代高人氣高性價比選擇。(http://www.reju.hk)
中環 Leciel Medical
由著名醫學美容醫生黃天厚醫生創辦嘅中環星級醫學美容顧問，雨僑，羅力威雨及吳若希等等明星，提供美容顧問服務。(https://www.lecielmedical.com.hk/)
