市面上獲得廣泛認同嘅能量減肥機主要使用電磁波，射頻，激光。以上各種減肥機能量模式，其實各有優點同缺點。究竟微波溶脂，相比起以上幾種能量模式有什麼優點同埋限制？Onda減肥有冇用？Young In 有冇用？香港最新微波溶脂報價係點樣？而家一一揭露。
微波溶脂基本知識
雖然市面上而家開始見到有Onda微波溶脂，及更為新穎嘅Young In微波溶脂減肥機器出現，但微波溶脂相比起冷凍溶脂，或者激光溶脂，又或者射頻技術，整體全球成功個案實際案例其實比較少。因為微波溶脂這個技術推出市場時間並未算太長，所以成功案例沒有其他技術那麼多是正常。從理論層面研究微波溶脂技術的優點和缺點，亦可以分析出究竟這個技術有什麼特別之處。
在技術性討論之前，就要提醒大家減肥纖體的道路上真係有好多美容黑店陷阱，網上亦都有好多假新聞宣傳！香港現時市場上好多有關微波溶脂的廣告，好多都係誇張失實宣傳。 尤其好多自稱使用靚機嘅但完全唔知邊度走出嚟嘅一人工作室，又或者坊間好多自稱單次收費美容中心可以做微波溶脂，真係要好小心。而家就會話畀你知，究竟坊間所謂平價靚機陷阱點樣運作。如果你正在考慮Onda Coolwaves或者Young In，以下資訊極為重要！開宗明義我哋首先就要去揭穿，坊間對於微波溶脂嘅幾個常見誤解。
微波溶脂常見誤解一：效果係永久性，做一次就可以有永久效果，保證不反彈，微波溶脂冇副作用 （誤解）
相信大家曾經減過肥嘅朋友都知道，無論係自己做運動又好，做機都好，減肥其實係一個需要相當大付出嘅過程。尤其係市面上所有方法，其實都係輔助形式，即係話盡量幫助你快啲達到目標，但都係你自己控制自己飲食同埋有健康生活習慣。減肥反彈與否，其實好視乎於你自己有冇持之以恆去維持良好生活習慣，同埋控制卡路里攝入量。如果自己唔去控制飲食卡路里等等因素，就算你去醫生度幫你做抽脂手術，你自己不停進食垃圾食物日日高卡飲食，即使搵醫生幫你做手術之後其實都係一樣會反彈。 所以有部分美容院微波溶脂廣告宣傳話可以保證效果永久不反彈，就已經知肯定有問題。 尤其係啱啱接觸呢個範疇，有好多朋友都會經常問，究竟Onda減肥有冇用，Young In隔空溶脂有冇用等等。
微波溶脂同其他類型嘅減肥纖體技術一樣，都需要你健康生活習慣去長期維持效果。所以並不存在做一次永久不反彈。
微波溶脂其實係減肥機能量機器一種，最好都係搵一些具備規模的機構進行，當然搵到醫生做最好但如果冇醫生，都最好搵大型醫學美容機構，起碼員工比較具備操作經驗。如果搵缺乏專業知識，學歷偏低，甚至連行為操守都有問題嘅山寨小店，其實係有好大風險。 能量機器做錯風險可大可小。微波溶脂副作用出現風險其實同操作機器公司規模與及員工專業訓練水平有直接關係。
微波溶脂常見誤解二： 微波溶脂做機減肥，比其他技術快1000倍（誤解）
好多廣告語不驚人誓不休，但其實事實係咪真係咁掂？廣告越誇張，你就越要小心受騙。
Onda Coolwaves香港越來越多地方可以做，但消費者要小心選擇去邊度做。見到太誇張嘅廣告，最好都係保持審慎態度。
點樣減肥快一千倍？有腦嘅人都即刻提出懷疑！ 廣告聲稱越誇張，你越要小心！因為呢啲極為誇張宣傳手法，就好似30年前纖體機係啱啱嚟香港一樣，什麼做一次機減10磅，一次就可以減走8-10cm等等，其實都係一啲誇張而且缺乏科學根據嘅宣傳，完全唔合科學邏輯。而家有部分廣告話某一部機器做微波溶脂，比其他技術快一千倍，其實真係有亂噏當秘笈嘅嫌疑。
市面上就有部分美容中心提倡使用微波溶脂減肥，比起其他技快一千倍。稍為有些少經驗嘅醫學美容專家都真係得啖笑！因為佢哋個療程，其實都需要做30分鐘，同市面上所有纖體療程時間差不多。根本就冇快到！ 而且仲好笑嘅係，生產商本身已經講清楚部機係需要操作30分鐘，先至會獲得應有效果。連機器生產商都咁講，根本就冇得呃人。
Onda Coolwaves香港的確可以考慮作為其中一個選項，但係千祈唔好聽呢啲極為誇張嘅宣傳囉！
微波溶脂常見誤解三：所有人都適合做微波溶脂（誤解）
微波溶脂其實係一種比較專門技術。相比起其他類型已經喺市場存在一段長時間嘅纖體科技，微波溶脂比較新穎，但係亦都比較缺乏臨床實證。外國對於醫學美容監管比較嚴謹，所以對於微波溶脂亦都有非常清晰嘅操作規範與及營業守則，大部分地區微波溶脂其實都需要醫生去進行。
每個地方監管制度都不同，但如果香港法例本身並不要求醫生處理（香港治療師都可以處理），你就要去細心選擇，始終能代機器安全性以及操作方面係需要更加小心。
事實上無論係廠商定係外國專門負責醫學美容嘅醫生，都已經講清楚有一部分人其實係不適合進行微波溶脂。
觀察香港現時醫學美容市場，知識水平都仍然係有進步空間。尤其係好多標榜單次收費或者係小店形式嘅工作坊知識水平更為參差低落。唔係所有人都適合微波，有紋身嘅人其實已經唔可以做。如果您有任何以下情況其實就已經被判斷為不適合做微波溶脂。
- 糖尿病
- 血管疾病
- 嚴重的凝血障礙
- 皮膚病（炎症、感染等）
- 癌症
- 金屬植入物或心臟起搏器
- 對設備過敏
- 移植器官
- 肝臟/腎臟疾病
- 心力衰竭
- 懷孕和哺乳
當然好多標榜低成本低服務嘅美容中心，都唔會咁深入同你探討，乜嘢人係適合做，乜嘢人係唔適合。 但係始終健康係最緊要所以消費者如果見到Onda或者Young In，最好都係先考慮自己是否適合對象先至決定係咪去做。
香港常見微波溶脂機器介紹
剛剛就同大家分析咗三個香港常見微波溶脂嘅誤解與及錯誤。希望令到大家有比較清晰與及客觀嘅資料，去判斷自己是否適合進行類型嘅纖體減肥療程。如果你自己了解咗之後，都發覺自己係可以一試嘅話，而家就會介紹一下香港常見嘅兩種微波溶脂機器，佢哋分別係來自韓國嘅Young In隔空微波溶脂，與及來自意大利嘅Onda Coolwaves (Onda又稱一叮溶脂、意大利冷頻、DeadCal等，不同公司有不同名字)。
首先就講下兩者相同之處。Young In與及Onda兩者都會發放出2.45 GHz能量微波，直接加熱脂肪細胞，令到身體底層嘅脂肪細胞溫度提升，甚至有部分情況之下會加熱到50度以上，從而擾亂脂肪細胞壁，高熱會令到脂肪細胞釋放出脂肪酸，做到減肥纖體效果。微波溶脂技術原理其實同其他類型嘅熱能減肥機一樣，都係利用過高溫去改變脂肪狀態。
雖然能量模式與及頻譜方面係相近，但係兩者其實都有好多不同。可以根據個人需要去比較邊一隻比較適合自己。
先講Young In， 呢部機其實相當新穎。比起另外一部Onda，可以話啱啱推出市場。Young In獨特之處就係可以用非接觸式嘅微波力量，去改變脂肪狀態。非接觸式能量即係話係完全唔需要接觸你身體，完全隔空都可以做到減肥效果。 Young In微波溶脂設計方面其實係比較接近市面上其他類型隔空溶脂機。例語來自英國嘅BTL Vanquish。雖然後者其實係使用射頻能量， 但係無論係機身設計同埋使用方式，兩者其實係相近，都係通過非接觸式能量去加熱底層脂肪做到纖體效果。非接觸性設計優點係每一次可以處理大範圍，即係話如果你本身個肚好大嘅話，基本上佢係完全覆蓋到你個肚。唔需要逐個細位去收費。
意大利嘅Onda溶脂機，係屬於接觸式微波技術。治療師會直接將探頭放喺你需要治療位置，即係一般人嘅肚腩或者大髀位置，來回接觸性地前後進行療程。每個位置需要治療大概30分鐘。Onda機器本身亦都有自動冷卻功能，令到接觸身體部分嘅溫度唔會太熱。避免地出現灼傷狀況。所以實際嘅溫度表面溫度，並唔會感到灼熱。接觸式療程收費方法其實係會根據你需要處理嘅範圍去收費，即係話你要處理嘅脂肪範圍越大，收費就會越貴。 理論上越肥係越貴肚腩越大需要付出嘅金錢亦都越多。Onda呢個技術喺香港有好多不同名字，但其實都係同一部機。一叮溶脂、DeadCal、意大利冷頻等，其實都係講緊同一樣嘢。
接觸性同非接觸性微波溶脂減肥療程，其實兩者都有優點，亦都有限制。如果純粹從性價比經濟方面，可以考慮大型非接觸式機器，可能會平少少。因為始終每次可以治療嘅空間比較大。一個價錢其實差唔多已經可以做曬成個肚腩位，咁樣嚟講其實係平均成本比較低。如果用接觸性嗰種療程，由於佢每次只限處理一個部分（一個部份就係一個iphone大小）。如果你本身係屬於偏肥，可能需要買好多，成本都會大幅增加。可能諗住洗一萬幾千，最尾要洗十萬八萬。點解會容易使大咗？而家就會同大家講解一下最關心話題，就係微波溶脂價錢，同埋點樣買先係最抵。
微波溶脂價錢係點樣？
隨著市面上多咗微波溶脂機器選擇，價錢亦都比之前有下調趨勢。但係相比起市面上其他類型嘅減肥方法，到現時為止微波溶脂價錢亦都比較貴，要用最抵價錢去購買微波溶脂療程，其實都有一定嘅技巧。如果你想精明消費，就梗係要留心我哋教你點樣去買到最平！
大家有去過美容院或者係經常睇IG廣告，都見到好多平價trial。但其實如果係做機減肥或者係需要持續送行嘅療程，試做價點樣平都好，其實都唔係一個最重要因素。而需要考慮完成整個療程嘅總成本。 第一次價錢平但之後好貴，除番開都仲係貴，唔夠抵。
咁點樣去計算微波溶脂整體總成本呢？尤其是大部分美容院為咗避免惡性競爭（始終香港美容黑店數量都幾多），無論係醫生主理診所或者連鎖集團，都唔會完全地公開話畀你知究竟trial之後價錢係點樣計法。反而好多係屬於黑店或者不良經營模式嘅小店，就好鍾意畀一個好平嘅數字吸引你上去先，先至hard sell你，可能你都見過嗰啲不合平價，千零蚊做好多次，嗰啲全部都係呃人。所以千祈唔好以為人哋唔畀個實際數目你就一定係美容黑店。其實相反，好多醫學美容診所怕咗啲黑店所以上到嚟先報價。反而黑點就最鍾意嗰個好細嘅價錢呃人上門落搭。點樣先可以去獲得微波溶脂價錢資訊，令到你自己去有辦法判斷呢？
點解會同大家再三呼籲，唔好俾一啲所謂單次收費小店，或者好平嘅試做價吸引呢？ 因為而家好多黑店已經進化咗好多，並唔會好似以前咁第一次見面就瘋狂嘗試說服你。有部分甚至會放長線釣大魚慢慢煲。第一次唔會sell，第二次都唔會，第三次開始知道你大概經濟實力之後先至開始hard sell。 第一二次冇問題令到你放低戒心之後，就會開始慢慢用各種方法逼你大額消費。有時係迫你購買不需要嘅療程，亦都有第二種會係叫你即時加購更多，否則就唔會再畀你book。
總之就係有各種各樣嘅黑店江湖手法，令到你就範。纖體美容都係想做得開心，同埋放鬆一下，並唔係想每一次都感到好大壓力。其去一啲令到你無法放心每一次都擔驚受怕嘅地方甚至畀咗錢都book唔到咁麻煩，不如正正經經搵一啲正規機構進行。 咁邊啲係屬於正當機構值得考慮呢？下面就會詳細為大家列出幾間。 而家我哋講埋個微波溶脂價錢收費模式先。
Young In 同埋Onda， 雖然兩者都係微波溶脂技術，但係收費模式就好不同。
如果係屬於Young In微波溶脂，係會用次數收費。每一次由於覆蓋嘅範圍好大，基本上係唔會再需要有額外開支。即係話無論你個肚有幾大都好，理論上收費都係一樣。
但係另外一部機Onda就唔同嗰部機其實係按部位收費。因為Onda原廠設計嘅時候已經講清楚，每一次可以處理嘅範圍有幾大。原廠會提供一個專門量度大小嘅器具，個大細大概就同一部iphone相約，即係一隻手板左右。令到消費者購買嘅時候，係需要因住自己個肚腩大細去作出相應嘅消費，即係話越肥，你就要買越多格仔。
為咗令到大家比較容易理解同明白，我就會舉一個例子。 當你做肚腩位置， 正常一個人肚腩其實都超越一個iphone大小講緊可能係3至5個先至能夠完全覆蓋。如果根據正廠Onda微波溶脂收費模式即係話需要做一個位價錢，再乘以3－5倍。
坊間收費大概千幾蚊左右當你$1500，要覆蓋成個肚，每一次Onda微波溶脂成本係：
$1500 x 3 = $4500 Onda微波溶脂微胖小肚腩
$1500 x 5 = $7500 Onda微波溶脂肥胖大肚腩
以上就係每一次進行Onda微波溶脂的價錢成本。
如果你想獲得持久而不反彈效果，就要根據原廠指引去操作機器。Onda原廠會建議你每個部位（即係每個iphone大小位置）最少需要做4次以上。即係話要完成肚腩位置療程價錢，係：
$1500 x 3 × 4 = $18,000 Onda微波溶脂微胖小肚腩 做最少四次的價錢
$1500 x 5 x 4 = $30,000 Onda微波溶脂 肥胖大肚腩 做最少四次的價錢
從以上例子你可以睇到，Onda微波溶脂價錢其實並冇想像中咁平。正規機構進行療程係需要一定成本。 如果係坊間黑店價錢就會仲高，因為真係海鮮價任佢噏。
市場上另外一部微波溶脂機，來自韓國嘅Young In，會比較靈活收費。
因為Young In個機器設計本身係覆蓋大範圍，一個肚腩無論大小有幾肥，都唔會再需要額外花費去購買額外格數。一個價錢已經全包，理論上如果你自己屬於偏肥，就會建議使用呢部機器，始終價錢係會抵啲。尤其係微波溶脂呢類型需要進行多次持續嘅療程，每次慳番啲整體嚟講都可以慳到一萬蚊以上。
$1500 x 4 = $6,000 Young In 微波溶脂 微胖小肚腩 做最少四次的價錢
$1500 x 4 = $6,000 肥胖大肚腩 做最少四次的價錢
你就咁睇一睇，都見到Young In係慳到好多錢。
平價單次收費或者小店形式的Young In / Onda微波溶脂，有什麼陷阱中伏位？
香港有部分單次收費的美容中心有提供做機減肥服務，最近亦都有部分微波溶脂機器進入這些小店形式的單次收費或者小規模公司。 價錢平質素有少少差距係常識吧！但係亦都有部分消費者覺得因為單次收費，感覺壓力冇咁大。究竟呢類型單次收費或者小店模式嘅纖體療程，係咪值得做？究竟又有乜嘢不可告人秘密？無論係收費比較平嘅小型美容院，或者大型醫學美容機構，兩者其實都有優勢。但係適合進行療程嘅種類並不相同。
如果你真係鍾意計數，希望搵到最平最著數兼且最有效果嘅減肥療程，你就要先行了解有規模公司與及單次小店，究竟有乜嘢分別。微波溶脂做落你就知，原來正規VS單次分別好大，為免出現貨不對版或者同預期有好大出入情況，都會首先建議你做多少少事前準備功夫。仔細分析當中的利弊。
微波溶脂價錢重要事項1： 要有心理準備質素落差
香港越來越多標榜可以單次收費美容院。但係其實好多都唔係真係單次收費，佢哋嘅模式其實就係類似半自助outlet模式，即係無論係個環境，裝修，設計，服務，跟進等等，全部都預咗做唔足畀你。最起碼同傳統大家理解嘅醫學美容中心有所出入，甚至有部分可能要自己洗面，或者獨立房間都冇。就好似單剪咁樣，係唔貴不過並冇洗頭，冇頭皮清潔，冇護髮素精華，冇儀器輔助，連按摩都冇，同你屋企自己剪唔多。
又或者地點位置欠佳，位於極為殘舊商業大廈等等。 地點位置欠佳唔單只係光鮮與否問題，係直接影響個人安全。好多單次收費美容中心位處租金低嘅商業大廈，租金低其實係有原因。因為本身治安有問題，大廈管理不足，甚至乎近經常有流浪漢，痴漢，白卡人士等等。一個女人搭𨋢都心驚驚。 環境唔安全唔衛生，每次都提心吊膽，微波溶脂價錢幾平都冇用。
市面上亦都有部分單次收費美容中心價錢真係可以做到好平， 但你要有心理準備各方面都唔會係可以同真正有規模質素公司比較。正如你自己去outlet買嘢就好，都會有心理準備，無論貨品款式，尺寸，選擇，服務，地點等等，其實都係有同正式專門店有出入。買名牌皮具都還好，始終都係一次性。但係做療程係要不停做。有心理準備兩者之間其實係有差距你自己接受到先至去，否則到時可能覺得各方面有出入，令你自己內心又唔舒服。
呢啲嘢冇對與錯，但係一定要有心理準備，知道自己係屬於次一等服務。自己付出少咗，可以獲得嘅嘢亦都差咗。一分錢一分貨天經地義，冇得怨人。即使如果服務質素做得唔好，甚至微波溶脂出現副作用受傷情況，都係冇得怨天尤人。因為呢個係你自己選擇，你選擇平，就有機會出現問題。始終機器本身如果唔能夠正確操作，係真係有機會造成微波溶脂副作用。
微波溶脂價錢重要事項2： 專業知識參差，顧客容易因小失大
微波溶脂其實都需要專業知識。但係大家有冇諗過，價錢平咁多嘅單次收費美容中心或小店，究竟會唔會畀錢投資喺員工教育上？
相比起其他已經相對成熟嘅纖體技術，微波溶脂仍然係屬於早期狀態。代表市面上無論係臨床實戰經驗，或者係理論課程都比較缺乏。始終技術係啱啱推出市場，咁嘅情況下其實好依賴醫學美容中心自行投資員工教育，或者聘請專業trainer培訓員工。呢啲全部都係需要成本！市場上絕大部分標榜價錢平收費低嘅美容中心，其實唔會願意花錢喺教育培訓員工方面， 要佢哋再畀錢作長期投資，其實不太可能。
做機減肥唔係去飲珍珠奶茶，當中涉及專業知識與及操作。無論當中嘅理論，知識，經驗，應變計劃等等，全部都係需要
但可惜市面上大部分標榜平價嘅做機減肥美容中心，其實都唔會做以上種種需要投資時間金錢嘅事項。
佢哋嘅顧客亦都係屬於比較低水平，只係會見到價錢低就即刻去，但冇考慮到價錢其實反映質素。就好似市面上某些小店，專門聘用大陸新移民與及兼職學生，去操作本來應該係由醫生操作嘅微波溶脂機器，真係睇見都危險！
當然亦都有部分市民會認為總之價錢平，就去做！但係呢類型貪小便宜短視思想，其實經唔起嚴謹嘅推敲與思辨。
微波溶脂需要好多事前準備要及知識，包括不同部位需要使用不同的探頭，某些探頭不能夠做某些身體部位，用錯身體部位會完全冇效果。專業微波溶脂甚至連身體水分都要留意。
以上種種資料其實好多單次收費或者小店其實都冇認知，淨係一味靠平。佢唔知道原來做漏一個步驟就有可能令到成個療程效果嚴重偏差，又或者用錯探頭係完全冇用。好多顧客自己本身並非減肥機專家或者科學專業人士，就唔知道人哋做漏或者做錯。但係就發現點解好似做咗好多次，微波溶脂效果都唔明顯。每次嘥一千幾百，幾次已經嘥咗一萬蚊！成效唔好，又會自己成日諗埋一邊有好多疑問，係咁反思究竟Onda減肥有冇用。質素欠佳的美容院其實都令到消費者好困擾。好多人以為慳錢，其實係嘥錢，仲要嘥埋時間，雙重損失得不償失。
如果你自己本身係有一個比較重要活動或者大日子，一定要減到，用最佳狀態出現，千祈唔好博！勸喻你搵返正正經經機構做微波溶脂或者纖體療程！貪平就只能夠接受現實，有冇效果都隨緣，只係適合佛系減肥。
微波溶脂價錢重要事項3： Hard sell 其實無處不在
好多標榜自己單次收費嘅美容中心，能夠吸引到顧客去試做原因，係因為好多人實在好驚美容院hard sell模式！但又係咪真係完全單次收費？理想同現實，係有好大差距。標榜價錢平其實唔代表唔會hard sell。香港大部分單次收費美容中心或者小店，其實都有sell， 不過佢哋自己知道機器與及人員水準去到乜嘢水平，通常都唔會太大膽。開出嚟嗰個次數會係少啲，不過大家有心理準備係一樣要買療程，只不過數目可能會畀正規傳統嗰啲細小小。長期去做唔買嘢，係一樣唔會有好面色睇。之前都親眼見過某間韓國單次收費美容中心，有銷售人員同顧客喺櫃檯嘈交。
了解你自己的真正纖體需要，對症下藥
面對肥胖問題，要對症下藥。 真正聰明做法，就係希望可以通過自行修復，與及機器雙管齊下，去令到自己快速回到最佳巔峰狀態。
當你對於養生，營養學有充分理解，就會明白到人體其實係有自行修復機能。當我哋自己每日進食均衡，有適量運動，正常睡眠，其實身體係會自行回到輕盈狀態。做機減肥係幫助但係最主要都係要你自己身體健康，減肥效果先可以長期不反彈。
飲食正常，身體其實係懂得自己將體重減低，並唔一定需要倚靠大量醫學美容療程去幫助。 因此，你唔太需要聽好多所謂醫學美容顧問或者銷售員所講，要花費去參加療程。
反而你可以考慮綜合式減肥療程。綜合式減肥療程包括（1）做機減肥，（2）營養補充品與及（3）高科技被動式肌肉鍛鍊機器 等方法。幫到你從根源改善飲食過量，或者腸胃吸收問題。 當你新陳代謝快咗，身體毒素少咗，做開配合高能量減肥機機，其實效果會明顯好多，亦都唔需要用咁多錢，同時使用身體自行修復力，飲食調節與及高能量科技，纖體就可以事半功倍！有興趣朋友可以參考下香港著名綜合減肥纖體療程：SWISS REJU熱光溶脂。 熱光溶脂其實包含市場上最為頂尖的纖體科技，包括電磁波，激光，射頻，超聲波，與及最新的微波溶脂。技術一個價錢就可以體驗全球最頂尖的科技，性價比極高。
