如果你自己都係屬於典型港男港女OL常見嘅辦公室『港式肥胖』，即係肌肉量偏低，但係脂肪量高，又經常捱夜ot休息不足問題嘅話，今日呢個教學就會教你點樣用最低成本獲得最好嘅改善體質效果！我哋會幫你比較市面上不同類型纖體服務，你只需要跟住去做就會好快扭轉肥胖問題，重新獲得健康體質，同埋重回年輕時代嘅活躍新陳代謝！
比較冷凍溶脂VS隔空溶脂
我哋去深入比較冷凍溶脂同埋隔空溶脂兩個技術之前，要同大家講一講，冷凍溶脂，隔空溶脂 兩個都唔係現時最新穎嘅做機減肥技術！市場上多咗好多其他類型嘅無創纖體科技。所以當我哋去比較技術嘅時候，一定要知道冷凍溶脂同隔空溶脂，只係其中兩種。現時香港其實仲有『激光溶脂』，『射頻溶脂』，『增肌減脂』，同埋『微波溶脂』技術。就咁睇已經知道起碼有5－6種不同嘅科技，喺香港醫學美容市場開展緊。
首先講下冷凍溶脂。冷凍溶脂其實係一個比較舊，亦都比較多個案嘅做機減肥技術。相比起做手術抽脂，冷凍溶脂可能係一個比較安全嘅選項。但呢個只係講緊十幾二十年之前嘅情況。
過去五年，外國醫生發現咗冷凍溶脂有一個比較大嘅問題，就係冷凍溶脂永久性副作用可能比想像中嚴重！因此考慮不同嘅做機減肥技術時候，就一定要去小心分析當中嘅優劣之處與及潛在風險。唔使心急有關冷凍溶脂副作用呢一點，本文之後會詳細為大家講述。
隔空溶脂過去幾年喺香港都流行，唔少大中小型嘅美容院都有推出BTL Vanquish，Young In，e-Magstorm等等比較主流嘅減肥機。 隔空溶脂科技使用『射頻電阻』或者『微波電阻』加熱脂肪細胞。由於脂肪細胞本身喺唔耐熱，經過微波或者射頻處理之後嘅細胞就會被熱力消滅。有部分仲會排出體外，所以做到可以無接觸性，都減到肥嘅效果。
無論係『冷凍溶脂』，抑或係『隔空溶脂』，兩種減肥機技術其實都係使用極端嘅溫度去影響同埋擾亂脂肪細胞。由於脂肪細胞嘅特性係唔耐熱，極低或者極高嘅溫度都會令佢自然死亡。 所以可以講，冷凍溶脂及隔空溶脂，雖然一個係凍一個係熱， 但當中處理脂肪細胞嘅科學原理其實係相近，都係使用比較極端嘅溫度去改變脂肪狀態。 喺科學原理上兩者係有相似之處,，當然亦有不同之處，而家繼續為大家講解。
冷凍溶脂VS隔空溶脂邊個好？
相信大家有興趣去了解比較冷凍溶脂VS隔空溶脂，都係比較緊當中嘅優劣，同埋各自嘅風險，有可能出現嘅副作用後遺症同埋整體安全程度等等。經常都有人問究竟冷凍溶脂好啲？定係隔空溶脂好啲？其實真正要去瞭解背後嘅科技，當然係要深入研究外在同內在因素，兩者各自嘅優點係乜嘢。
如果一定要揀其中一個嘅話，隔空溶脂會比冷凍溶脂優性。尤其係如果你係屬於香港人常見嘅港式壓力肥（肌肉量不足，脂肪量高，飲食不定時，休息不足）嘅話，隔空溶脂其實係會有少少優勢。
香港人常見嘅壓力肥胖，主要同飲食過量三高，同埋休息不足導致。係呢種情況之下隔空溶脂點解會比冷凍溶脂好少少先。
冷凍溶脂VS隔空溶脂比較1：副作用
總括比較，隔空溶脂副作用比較冷凍溶脂輕微。過去幾年冷凍溶脂副作用問題逐漸引起醫學美容社群關注，外國亦有法律訴訟，控告某品牌冷凍溶脂技術帶來永久性副作用問題。當中所用嘅原因係認為冷凍溶脂有機會帶來永久性Paradoxical Adipose Hyperplasia 脂肪反向生長嘅副作用。有部分人進行冷凍溶脂之後就有機會出現以上問題，需要外科醫生使用手術解決。直到現時為止美國已經有一堆自稱進行某個品牌冷凍溶脂療程之後出現嚴重副作用嘅顧客，正尋求法律方法解決，考慮集體訴訟。可見冷凍溶脂技術本身係有一定嘅風險同埋副作用問題，需要首先去釐清。
隔空溶脂相反就唔會有呢一種因為身體受到極為低溫刺激，而出現嘅脂肪反向生長問題。進行隔空療程之後所出現嘅副作用大部分都係比較暫時性，例如紅腫，身體表面變得敏感等等，。兩者相比之下會屬於較為安全。
冷凍溶脂VS隔空溶脂比較2：價錢
隔空溶脂價錢比較冷凍溶脂平 。相信對於大部分香港消費者來講，做機減肥其中一個最大嘅考慮因素就係『價錢』， 雖然不同嘅美容院都有不同定價，但係總括嚟講隔空溶脂嘅價錢係低過冷凍溶脂。而且由於市面上絕大部分品牌嘅隔空溶脂機（Mediram，EnCurve，Young In，BTL Vanquish）每一次可以覆蓋嘅範圍比較大，所以性價比亦都係較高。深入探討港式肥胖問題，點解以上兩種技術都未足夠
美容院廣告網站好多時候都會比較『冷凍溶脂』同『隔空溶脂』兩者之間嘅分別。但係好似頭先所講，市面上嘅纖體減肥技術其實有好多，唔係淨係得呢兩種。 醫學美容公司往往集中宣傳呢兩種，係因為佢哋已經入咗呢兩種機！所以就會傾向主力狂sell呢兩部比較昂貴嘅機器，務求賺取最大嘅利益。但係對於消費者來講，係咪最好最啱？未必。如果你從消費者嘅角度去了解同埋認識做機減肥科技，你就會發現無論係『冷凍溶脂』或者係『隔空溶脂』，兩種技術其實都唔夠全面。
兩個技術都並非永久性帶來持續健康改善嘅方案。只係一種改善外觀嘅技術。尤其係如果你係屬於經常性都要長期工作，休息不足，你更加要慎重選擇減肥療程！因為呢兩種技術本身都好倚靠參加者本身嘅新陳代謝快慢同埋運動量，去影響最終嘅效果。如果你本身冇一個心係去改變生活習慣嘅話，兩種技術減肥效果，其實都唔能夠持久。基本上係可以預見得到短期之內會有反彈嘅問題。
做機減肥如果唔可以配合改變生活習慣同埋卡路里攝入量，係一定會影響最終嘅效果同埋持久性。
美容院做機減肥技術吸引唔少香港顧客，係因為好多廣告聲稱可以『一次見效』，又或者可以通過畀錢快速改變肥胖嘅問題。大把醫學美容廣告都講做一次療程就可以減到幾多percent脂肪等等。
消費者好容易俾呢類型嘅廣告吸引。但係如果唔去認真學習，如何正確使用科技嘅話，即使你畀錢參加隔空溶脂或者冷凍溶脂療程，你會發覺做咗幾次之後都冇乜好大分別！做嚟做去都差唔多，效果亦都唔算明顯。如果你自己現時都有咁樣嘅問題嘅話就繼續要留意我哋嘅教學，我哋會教你點樣去突破呢個樽頸位！
香港人嘅工作時數，強度，都屬於比較辛苦！一般香港人嘅運動量亦都係比起英美國家低。香港人鍾意玩電話，打機打到好夜，亦都容易造成休息不足嘅問題。
要去從根源改善港式壓力肥胖，淨係做美容院減肥機會幫到一啲，但係要做到最好嘅效果其實淨係減肥機唔係好足夠。
當然冷凍溶脂隔空溶脂會有一定嘅幫助。但係佢唔足夠幫你改善體質，亦都唔能夠永久性咁樣去改善飲食帶嚟嘅肥胖。
要去真正改善肥胖問題需要嘅方法同埋技巧，遠遠超過選擇邊一部減肥機咁簡單。 下次我哋會詳細去講解點樣去幫你從根源改善肥胖問題，而且唔需要太過依賴唔同類型嘅美容院減肥機器。
