Theranova瓷溫擊壓瘦身儀
亞洲養生科技都正面影響香港醫學美容市場，甚至有一啲收費低少少嘅養生按摩場，都有引入專門店療身體亞健康狀態嘅科技例如Theranova，Cellureon等等。一時間香港都多咗好多地方可以進行瓷温減肥／瓷温排毒療程。雖然市面上瓷溫擊壓瘦身選擇係多咗，但係懂得真正操作Theranova科技，同埋獲得最佳效果嘅專業人員，其實真係唔算好多！反而市面上小本美容院同埋養生中心，不少都係搵一個普通新移民按摩師，或者美甲師去進行療程！因此經常都出現咗大材小用，甚至係資源錯配嘅情況。由於操作臨床技術欠佳，大部分嘅美容中心對於比較高端嘅機器例如Theranova或者Cellureon，仍然停留喺人手按摩嘅技術層面 ，代表未能夠做到有效快速減肥，亦都未能夠做到有效通淋巴排走毒素。認識Theranova瓷溫擊壓瘦身儀呢個科技之前，首先就要提一提醒大家，Theranova本身係『一個系列』嘅機器。有機會係Theranova 6.2, Theranova 820, Theranoa 420等等所以其實係有好多不同嘅型號。Cellureon本身亦都有不同大小形狀嘅探頭。
如果睇返韓國市場資料，Theranova唔係指淨係一部機。同一個系列都有不同型號，不同版本。有部分Theranova機器型號會係比較集中做面部療程；有部分就係集中做身體療程。甚至有部分可以做埋簡單嘅醫學美容清潔等等。所以你見到其實係有不同類型嘅技術。而香港比較多見到嘅Theranova型號，就會係一啲專門提供深層熱力作溫灸治療，俗稱嘅做body（雖然真正嘅技術係複雜好多唔係普通按摩咁簡單但好多人都會將佢歸類為身體療程）。主要能利用溫熱溫度去放鬆同埋療癒身體組織作用。
有部分香港美容院，甚至會聲稱Theranova／Cellureon技術可以幫助減肥同埋纖體，究竟瓷温減肥有效嗎？今日會為大家揭露Theranova技術真正用途，優點同埋缺點，同埋點樣去選擇正確嘅供應商。
瓷温減肥有效嗎？請認清事實真相
Theranova係一個相當舒服嘅身體療程，進行時候治療師會使用機器能量探頭去刺激你需要治療嘅部位，一般人都係嘅『背部』同『腹部』。機器能夠產生超過43度嘅溫暖熱力，能量能夠幫你快速放鬆緊張肌肉，亦都能夠刺激淋巴循環，深層次放鬆。而且大部分嘅情況之下Theranova都唔會有任何嘅激烈痛楚感覺，只係似一種按摩嘅感覺。整體嚟講感覺係舒服同埋放鬆。做過Theranova瓷溫擊壓瘦身儀嘅朋友都話感覺幾好。但係感覺良好本身係咪代表有用？又係咪真係有長遠減肥纖體效果？ 瓷温減肥有效嗎？
如果你係聽美容院銷售人員所講瓷温技術可以幫你減肥，一定要繼續睇埋落去！我哋會講解只係技術本身嘅事實根據，分分鐘會幫你慳到好多無謂嘅花費。市面上大部分嘅Theranova美容院顧問銷售，其實都係好有問題，甚至有誤導成份！
究竟Theranova係減肥定係減水腫？效果係短暫性定係長期性？呢啲都係一啲重要問題，俾錢參加療程之前一定要了解清楚，始終好多美容院都係半桶水， 對於科技真正嘅用途同埋要注意嘅地方都冇好好講清楚。
真相大白時間！究竟Theranova可唔可以用作減肥用途？
現時所見香港唔少美容院都主打Theranova機器作為減肥用途！但係無論係機器設計核心技術本身，定係科學原理本身，其實都睇唔到Theranova可以直接幫你做到減肥！反而佢對於養生調理身體甚至輔助形式去減肥就係有幫助。即係話如果你係希望短時間之內立即改善線條，或者整走脂肪團，Theranova呢部機其實效果未必係你想像中咁明顯！因為Theranova系列養生機器最主要嘅功能，係加熱身體組織，加快血液循環，提升身體溫度，做到深層放鬆身體。亦都會幫助排走身體廢物。但係比起市場上其他專門用作減肥用途嘅美容院高能量減肥機，例如激光溶脂，隔空溶脂，射頻溶脂等等，Theranova機器本身其實係冇高能量輸出嘅功能。（高能量可以改變同埋擾亂脂肪細胞狀態， 做到快速減肥效果）因此未必可以好似以上所講幾種其他技術咁樣，減肥效果咁明顯咁立竿見影。
瓷温減肥有效嗎？答案係有一啲有限嘅功效，但係更多時候其實係幫你排水去水腫係咪真係可以改變埋脂肪你就要配合其他類型機器一齊使用先至能夠最大咁樣發揮到效果。
當然亦都有唔少美容院係有一啲成功嘅例子，通過使用Theranova機器獲得一定嘅前後對比，淨係做Theranova呢部機作為減肥效果係有一啲，不過絕對係唔夠快，亦都唔係一個全面嘅纖體療程。如果淨係做呢部機嘅話，你會需要購買大量嘅療程先至會見到少少嘅效果！
如果你考慮購買Theranova療程去改變脂肪狀態，唔好心急！我哋會首先教你用相同甚至更平嘅價錢，去獲得更為明顯嘅減肥纖體效果！而且你跟我哋個方法去做，你減走嘅唔單只係水份，而係脂肪！
做機減肥3個層次
進行過Theranova療程嘅朋友可以話到俾你知，所謂嘅『瓷温減肥』過程係舒服，亦都真係做到深層次嘅放鬆。但係如果你淨係使用呢部機作為減肥用途，唔係好足夠，而且成本會比較貴！今年香港市面上就多咗好多所謂嘅減肥機或者做機減肥療程當中使用嘅科技就各有不同有部分就使用以上所講嘅激光射頻能量減肥機有啲就係隔空溶脂機亦都有部分美容院直接使用就當係減肥！
以上幾種都唔係冇用亦都唔可以話叫做錯不過你要獲得最好嘅效果其實思考嘅高度同埋角度都要作出優化同調整！
如果你問下之前曾經試過做機減肥嘅朋友減肥機效果嘅話我相信好多人都會有個共識就係有啲用但係又唔係好明顯嘅分別呢啲就係市面方間90%以上嘅美容院 夾份證成績表。但係真係專門做機減肥技術嘅地方就能夠話咗畀你知你要突破呢一種樽頸位其實係有方法但係唔係淨係做機減肥， 更加唔係淨係做Theranova。如果你而家加美容院係咁叫你參加Theranova做機減肥， 建議你諗清楚先做。
你要見到有明顯嘅收身效果尤其係如果你自己本身年紀有番咁上下三十歲以上就更加要謹慎選擇市面上嘅減肥纖體科技。
做機減肥其實有三個層次：
- 減肥機機器技術方面
- 飲食配合方面
- 養生方面
你要做到良好嘅效果，其實三方面都要小心去選擇同埋進行。 你淨係做一樣嘅話，其實都會有啲效果，但係你要有心理準備要花費好大筆錢，同埋用好長嘅時間，先至換到小小嘅分別。如果你真係要立定決心減肥成功，短期之內見到明顯效果嘅話，三方面其實都要全方位優化！
香港現時市面上絕大部分嘅瓷温減肥／瓷温排毒療程，其實只係集中喺第三項，即係『養生』方面。其他兩方面基本上係完全冇去涉獵！因此效果唔明顯，效果容易反彈，係預計之內。
瓷溫排毒減肥先了解身體構造
Theranova瓷溫擊壓瘦身儀，或者係原理相似嘅Cellureon，的確可以幫到一部分！但係如果你想明顯減肥其實係要先行了解你自己身體複雜嘅構造！人體其實係一個相當複雜嘅系統，當中除咗血液，骨骼，肌肉，脂肪之外，仲有一啲微妙嘅微循環系統，同埋內分泌系統。呼吸含氧量，與及睡眠質素等等，全部其實都會影響你整體身體健康指數。任何聲稱可以用極為簡單嘅方法就可以令到身體出現重大改善同變化，都要事先審慎去考慮。所以某啲美容顧問話淨係做一部Theranova機就可以解決曬所有身體健康問題，其實呢種講法有重大缺失。
啱啱就教咗大家做機減肥三個層次。 現時市面上大部分Theranova 療程都只能夠做到養生嘅作用。由於只係得一部機器，自然唔能夠做到全方位去改善身體大小部位嘅脂肪積聚問題。亦都唔能夠從飲食方面去調理身體。事實上的確有好多人一邊做Theranova瓷溫擊壓，一邊都繼續去瘋狂食外賣同埋垃圾食物，繼續夜瞓食煙飲酒，結果自然效果打折扣。
東方智慧有句說話叫做『醫食同源』， 其實同西方認為food is best medicine用食物去健康養生概念，係如出一轍。兩者觀察話到俾你知，良好嘅食物選擇同埋適量進食，先至係長期健康嘅王道。所以當我哋去做機減肥或者參與瓷溫擊壓類型療程時候，呢一點可以多加注意。
關於『做機減肥邊間好』，或者『隔空溶脂邊間好』呢類型嘅問題， 下次會深入去講解。今日就集中講咗瓷溫排毒減肥／Theranova類型療程點樣做效果先會最好。
而家就為大家詳細講解做機減肥三個層次
減肥機機器技術方面：養生機器本身唔夠一定要配合高能量機器減肥先至會有明顯分別。使用高能量機器去縮小及破壞脂肪細胞，市面上常見嘅Abas Fit, Magic Polar, Eximia HR77, Young In微波溶脂等等，都係一啲大路而且價錢較為合理嘅選擇。飲食配合方面： 盡量做到高纖飲食， 盡量進食蛋白質增加飽肚感同埋蔬菜改善纖維攝取量。 適量168 或纖飲食。最好做到定期 calorie deficit。
養生方面：定期使用Theranova / Cellureon提升身體溫度與及新陳代謝，幫助排出高能量機器處理之後嘅廢死細胞。
如果你睇番香港情況，大部分美容中心做機減肥或者做Theranova療程效果都唔算太明顯。最主要係因為美容師本身並冇足夠嘅知識同埋科學底氣去教育你。因此如果曾經參與呢類型嘅療程但效果未算明顯嘅話，唔需要太早灰心！香港其實有一啲專業嘅機構例如中環SWISS REJU熱光溶脂， 就一次過幫你從以上三個層面改善肥胖問題。一個療程就可以涵蓋三個層面，做到（1）高能量減肥；（2）營養師產品改善飲食攝入；（3）同埋做機養生。
