單次收費美容院環境污糟
對於市面上突然冒出一大堆良莠不齊、質素差異極大的所謂「單次收費美容院」，最開頭的時候的確引起不少消費者興趣！由於部份傳統舊式的美容中心銷售手法出現問題，這些標榜不需要預繳，單次收費的美容院，就成為一時間的市場話題！尤其是在一些客戶群收入比較低的地區，例如某些新市鎮、或者工業大廈林立的舊區，這些地方其實就會出現好多所謂「單次收費美容院」！但當中的質素差異就極大……
單次收費美容院的潮流來得快去得快，上一兩年單次收費美容院突然冒起，成為了很多網友與及各大美容討論區的焦點，但近年已經有點後勁乏力的情況。
歸根結底，其實有幾個原因導致市場上的單次收費美容院能夠做到有初步的聲勢，但難以長期維持！
其實事情又唔需要太過複雜，你稍為自己冷靜諗一下，有幾多個中產專業人士，會走入去工業大廈一些違法經營的美容院同其他質素差劣的客戶群一齊迫？
（工業大廈的地區說明不可以進行非工業的活動，例如美容院本身就不能夠符合地契要求，所以如果出現任何意外，就多數不能夠通過保險賠償）。
中產或專業人士都未必會想去工業大廈，何況講緊對自己外表、環境、衛生、效果有要求的高質素客戶，就更加少會願意將貨就價。
其實，單次收費美容中心真係冇乜特別大問題，純粹在概念上甚至亦都係一種破格的思維，可以令到已經厭倦傳統舊式銷售方法的消費者可以有另外一種的消費模式。
不過，正如其他所有的平價outlet 、淘寶、carousell網購、甚至係二手市場等等，價錢太平其實係有原因，不合理的平價錢，有機會會同欠質素、安全、保障等等拉上關係，所以要自己小心去考慮同經營！避免因小失大。
如果你曾經見過好多單次收費美容院廣告，首先等一等！了解一下究竟真正單次收費美容中心優點同缺點係乜嘢，有什麼需要注意的地方！尤其係各種消費陷阱，你就可以避免自己進入消費糾紛的麻煩。
拆解單次收費美容院低成本模式
曾幾何時，大型航空公司提供舒適而且優質的服務，令到乘客都感到賓至如歸，亦都令到旅遊的樂趣增加。但自從出現了各種的廉價航空之後、無論係飛行安全、舒適程度、食物質素、起飛和降落的時間、使用的機場方便程度、甚至座位的大小等等，全部都有惡劣化的問題！亦都引起各種的客戶投訴、意見問題。
係人都知，廉價航空係冇可能讀傳統高質素航空公司相比，太大分別！
低成本模式經營本身沒有問題。甚至單次收費的美容院本身亦不一定代表有問題，不過，他們的經營模式與及質素本身，實在難以和一些主流的有規模美容院相比。如果勉強將單次收費美容院同主流美容院相比，其實對兩者都不公道，因為他們是完全兩種不同的經營模式，顧客期望亦不應以相同的標準去量度。
單次收費美容院成本壓縮
如果你唔知道究竟單次收費美容院點樣經營，究竟點解可以做到咁平，今次就會為大家揭開內幕，揭露點解可以做到價錢咁低。一間正當的美容院通常會有以下的開支：
- 租金及裝修開支
- 購買醫學美容機器開支
- 使用耗材及日常材料的開支
- 人工開支
- 使用機器license開支
- 廣告費、明星代言費
- 培訓教育開支
單次收費的美容院其實就會運用各種方法去減低開支。尤其係有部份不太明顯，顧客不一定會立即發現的地方。
單次收費美容院節省成本方法一：租金裝修盡量慳
首先，不少現時香港的單次收費美容中心，其實係頂讓來自以前的正規美容中心，所以在中心上其實並不需要花費大量開支，因為已經係直接繼承以前的公司！所以只要稍為修整清潔一下，外表就係可以呃下人。所以好難從環境是否美觀去判斷究竟醫學美容中心自己是否具備真正的財政實力，還是只係金玉其外，敗絮其中。另外一點值得注意，就係機器的質素。醫學美容機器其實投資甚為巨大，尤其係佢哋外國認證的機器例如Thermage、Ulthera、Emsculpt 等等，由於使用的資本投資龐大，其實只有一些傳統具有實力的美容中心才會投資，如果一些單次收費的美容中心，並不是每一間都有能力去花費接近過百萬。
單次收費美容院節省成本方法二：使用二手、冒牌機器
之前香港的海關亦有發現有低價收費的美容中心，是用冒牌的醫學美容機，和減肥機。在拘捕行動之中亦發現所選用的機器其實像真程度非常高。當時又發現單次收費美容中心使用虛假山寨版Emsculpt ，震撼了不少消費者！亦都令到好多消防車費者真係要如夢初醒，知道呢個世界真係冇咁大隻蛤乸隨街跳！平價做機減肥，或者單次收費，好多時真係有質素問題，或者連產品本身都係假嘅！
所謂單次收費美容院，究竟點樣開始節省成本，其實除了裝修、租金、醫學美容機器全部都選擇「頂手」、「二手」甚至免費接收上一手的儀器。
單次收費美容院節省成本方法三：日常耗材及日常用品使用劣質貨
點解一個正正當當的美容院收費要幾百蚊，甚至過千，但係單次收費美容院可以做到咁平？而且唔需要買package ？其實好簡單，因為使用產品成本根本完全不同。就以普通的美容院洗面膏作為例子，山寨廠出產的桶裝洗面膏，成本係20幾蚊人民幣，如果使用正常香港美容院的原裝洗面膏，成本大概百幾蚊，如果使用有牌子的外國高質美容院品牌產品例如Valmont，500mL 成本價接近$1000。真正有質素的產品份量少，價錢貴，無論係批發層面，定係零售層面，其實都一樣。
大量標榜唔需要買package，標榜單次收費的美容院，其實都唔使用靚嘢，呢一點大家都要有心理準備接受。只不過係使用過日常用品耗材有幾差有幾平，就會根據經營者想點樣壓縮成本、想去到幾盡而決定。總之，一分錢一分貨係絕對唔會錯。價錢貴的美容院未必一定用靚野，但價錢不合理的平的，就肯定用質素低劣的產品！
單次收費美容院節省成本方法四：人工開支價低者得，選擇欠缺經驗證書的美容師
有質素的美容師其實人工唔係太平，始終因為要進修，去考不同的光學牌照、美容機器操作證書、激光證書、HIFU證書等等，全部其實都需要上堂學習而且需要俾錢去考試，所以同其他行業都一樣，如果你要求從業者係要有一定的水平，人工係唔可能去到太平太低。邊啲人人工係可以好平？好簡單，行業裏面表現最差經驗最少的人，通常人工會比較低。
無適當的學歷，亦沒有證書，甚至連相關工作經驗都冇，求其去工聯會讀個三日課程就開工的美容師，人工係可以好低，亦都係好多單次收費美容中心招聘對象。如果客人本身並不追求質素，淨係需要低價錢，甚至唔介意操作高能量機器的美容師，沒有相關經驗證書，甚至連有毁容風險都唔去考慮，直接以價低者得的方法去進行面部能量機療程的話，的確有部份不追求質素和安全的客人，係會被所謂的單次收費美容中心吸引。
單次收費美容院節省成本方法五：使用沒有license 的機器、溝水喉水扮高級精華
如果講起要慳錢，其實真係有好多方法，但係唔係每一個慳錢節省成本的方法都係正確，亦都唔係每個方法都安全。現時香港好多所謂的單次收費美容院，其實就用好多旁門左道，使用一些古靈精怪偏門方法去慳錢，有啲你想像到，有啲你根本完全想像唔到。你知唔知道原來有好多醫學美容機器本身都有license fee? 其實即係好似每年需要向原廠繳交一定的使用費用，原廠亦都會提供一定的支援，確保使用的機器屬於安全。不單止一些價錢貴的機器例如Coolsculpting 有這個費用，一些中等價錢的機器例如膠原槍Thermatrix等等，其實都需要插咭，必須要定期更換探頭，否則機器本身就不能夠正常運作。
機器的設計，其實就係保障操作者及消費者，定期更換能量探頭，保持療程的安全性和穩定性。但當然好多單次收費美容中心就當然會用各種方法去走後門，甚至使用所謂的jail break 頭，大大增加了使用的風險！
能量探頭設計的時候要定期更換，因為使用多次之後的能量探頭就會出現自然的耗損，影響機器的安全性。不過，所謂道高一尺，魔高一丈，如果真係純粹以金錢掛帥行先，不考慮當中的安全風險問題，係可以通過特定的電腦程式，去干擾能量探頭，令到機器本身因為干擾而無法辨別使用探頭的時間，即使係已經使用過非常多次，已經不適合再使用的探頭，都能夠繼續使用！本來壽命已經完結，但通過干擾的方法去人為地延續能量探頭壽命，其實為使用者帶來風險。
開始收費美容院點解可以咁平？使用這些僵屍機器，同真真正正老老實實去買個學科能量頭，成本已經相差10倍。你明白點解好似部機係一樣，但點解價錢傳統正當美容院相差咁遠？你睇吓個頭究竟係行貨、水貨、定係僵屍貨，已經可以知道點解。
另外，要慳錢亦都有好多古靈精怪方法，好多單次收費美容院一定會係成本方面呃到最平最cheap，因為佢哋唯有呢個方法先至可以生存，佢一個例，就以美國Aqua Peel作為例子，如果真係使用3支正版精華，每次其實操作成本已經需要幾百蚊！好多單次收費美容院，個收費本身都只係幾百蚊，有乜可能會完全唔賺錢？咁所以點樣出蠱惑？就係將精華改為水喉水，或者求其加蘆薈gel、平價透明質酸，甚至生理鹽水，就扮成貴價精華。基本上係一定有錢賺！不過就係犧牲使用者嘅安全。
單次收費美容院節省成本方法六：廣告費、明星代言費全部唔俾，偷相偷圖偷文
唔係話有明星代言就一定好，但如果美容院品牌本身係樂意去投資明星代言人，起碼代表公司本身係諗住長期經營，而唔係有短期倒閉風險！因為做一轉明星廣告其實都好多十萬，同明星代言費甚至可以高達過百萬！但其實市場上絕大部份的單次收費美容院品牌本身太平太cheap，好多經理人都完全唔肯去接廣告，以免做cheap自己明星藝人。咁點樣去落廣告呢？好簡單，其實好多單次收費美容中心為咗獲得效果，往往就唯有去偷竊別人的創作成果，偷文，偷圖，前後對比相都要偷，稍為有良心嘅都仲可能會搵其他商戶使用相同機器的前後對比效果圖，質素最為惡劣的單次收費美容中心好多直接使用美圖秀秀P圖，慳錢慳時間！但當然，咁樣做係完全冇意義，甚至有虛假銷售的成份。
單次收費美容院究竟有冇價值？
香港潮流市場來得快去得快，好多產品曾經紅遍一時，單度始終經唔起時間考驗！好似蜂蜜綠茶、古早味蛋糕、party room、甚至某些藝人等等等等，其實都未必能夠長期保持流行熱度，始終要經得起時間考驗，都唔係咁容易。單次收費美容院究竟有冇用？其實可以話係有一定的作用，但係一定要小心佢比較選擇，並唔好一聽到單次收費就覺得一定好，事實上單次真係有好多問題，只不過唔係每個消費者都能夠清楚知道背後操作的陰暗面，就會比眼前所謂的無需預繳消費吸引。
究竟單次收費美容中心適合什麼人呢？其實如果你想追求效果，甚至希望獲得有明顯的分別，而使用的機器是使用正版，有一定的安全保障，就建議你選擇傳統的美容中心，普遍來講水樽係比較好！但如果你純粹係想試一試某種新科技，甚至係想比較一下究竟你自己是否適合做某類型的「單次性」療程，例如HIFU，這種情況之下可以一試無妨。
任何需要持續進行的療程，不如做機減肥、纖體、甚至養生等等，其實就真係唔好諗住貪平，去所謂單次收費美容院。原因其實都幾簡單，除咗因為以上所講的種種節省成本問題之外，就係有部份療程其實係屬於一次性，例如高能量的HIFU，本身做一次就可以有相對持久的效果，例如效果可以維持六個月以上。但是，如果你使用的能量機器主要係持續性地操作， 例如減肥機，根本冇任何合理理由去單次收費美容中心做。因為總成本會比較貴，而且效果亦都會比較不明顯。
單次收費做機減肥其實係最浪費金錢、最冇保證效果的方法。減肥-1日其實真係冇用，你自己節食節一餐，甚至運動一日，究竟對於整體來講你的體重和身體形態有幾大分別？其實好多時候都只可以講，除咗心理作用feel better 「自我感覺良好」之外係冇長久效果。
尤其係如果你本身已經屬於微胖的身形，即係已經有比較明顯的肚腩、下半身有返咁上下size，自己睇返自己都覺得心情欠佳，甚至沖完涼自己照鏡都發覺嘩好大個肚腩的情況！其實你就真係需要使用「正版機」「有計劃地」進行減肥纖體！
市面上大部份的美容院其實都係冇辦法幫你對準肥胖的成因，始終都係過分集中於叫你俾錢做機減肥，但係並冇解決卡路里攝入過量問題，只可以講話係治標不治本。
