小編作為一個曾經參加過多種不同減肥療程嘅人，現時香港可以買到嘅各種減肥纖體機療程，我都試過好多！ 其中一個項目Exilis Ultra 360減肥，我就曾經參加過一段時間，但最後決定分手！今日就會分享Exilis Ultra 360減肥個人經歷，同埋點解我冇再去做！
Exilis Ultra 360減肥故事：因為誤會結合，因了解而分開！
做機減肥又好，醫學美容又好，其實都著重「安全性」。大家都知道，大型醫學美容機器生產商，國際級公司，生產出嚟嘅醫療機器，品質係會比較好！整體安全性、效果等等，亦都比較穩陣。我自己去比較不同做機減肥供應商時候，第一個就係會睇「生產商聲譽」係點。喺香港以及國際市場，有冇足夠認受性，係唔係一啲主流嘅品牌，獲得各種醫生應用。如果只係得小貓三四隻，又或者係一啲好小型嘅品牌，只得低價美容中心甚至東南亞低端美容場所使用，西方社會冇採納嘅話，個人就唔係咁建議。
所以，我自己都係會傾後主流搵一啲比較高質素嘅國際機器生產商去比較。而Exilis Ultra 360減肥，生產商就係來自英國嘅BTL，屬於主流國際機構，我自己都比較放心。
雖然「生產商」初步合格，但實際操作與及舒適，同埋減肥效果，對於整個療程體驗都重要。
未開始講個人經歷同埋減肥過程之前，先同大家講講究竟Exilis Ultra 360減肥原理係點樣，點解係喺「原理上」可行。
大家要注意，原理上可行，同實際上效果，無直接關係！
Exilis Ultra 360減肥原理，係使用單極射頻產生熱力，熱力就會刺激「膠原蛋白」（collagen）與及「彈性蛋白」（elastin）生長。兩者都會收緊肌膚，做到緊緻、緊縮效果。
單極射頻穿透真皮層時候，熱力亦都會令到脂肪細胞釋放出脂肪酸，從而爆走脂肪。當脂肪細胞升溫去到一定溫度，就會出現脂肪分裂，脂肪細胞壁爆破，脂肪酸就會隨著人體淋巴新陳代謝系統排走。從而做到定點消脂、淋巴排毒、瘦身效果。
其實Exilis Ultra 360減肥科學根據係有。但係當實際操作時候，舒適感同埋等待時間，就同預期效果有出入。下面就會再為大家深入講解「理論上有用」同「實際上有用」的分別。
亦都係因為各種真實實際操作問題，與及療程感受上問題，令到我自己最終同Exilis Ultra 360減肥，say goodbye！
真人測試Exilis Ultra 360減肥實際操作問題
首先講講，Exilis Ultra 360減肥其實係一種單極射頻（mono polar RF）加上超聲波（ultrasound）技術。 單極射頻顧名思義，會通過一個能量探頭作為其中一極（正極），另外一個負極，就需要通過電板喺背脊進行。兩邊都緊貼身體，先至能夠發揮電流順利通過身體、發揮暢順流動，電流排走脂肪作用。減肥過程，治療師會利用能量探頭，喺我肚腩位置來回。過程會使用導電啫哩，機器本身亦都會定期監察能量。但係由於熱能射頻係「單極發射」，而並非現代比較先進嘅「多極發射」，我淨係覺得表皮溫度極高！甚至去到某啲時刻同位置，我係做到有啲唔舒服。
做Exilis Ultra 360減肥時候，感覺幾。。。。唔舒服！尤其是開始咗一段時間之後，體溫急速上升，有時機器需要自己停落嚟調節溫度。但係做下停下，本身已經唔係咁順暢，仲要有時重新開始之後，好快又會見到溫度急速升高，又要停一陣。整體感覺好似窒下窒下，不算流暢。
仲要我做開嗰間美容院美容師係咁一路做一路sell，每逢機器一停低佢就開始講，感覺都幾煩！
同埋由於Exilis Ultra 360減肥探頭比較細，做嘅時候就好似一支磁叉，來回身體做嘅時候由於感覺真係比較大，唔係好舒服。我自己做過隔空溶脂機等等，舒適咁差咗少少。
其實相比起現時市面上其他做機減肥能量模式，Exilis Ultra 360減肥無論喺「觸感」上，定係「客戶體驗」上面，都係有進步空間。價錢亦都唔平。
我自己選擇嘅美容中心喺港島區，做Exilis Ultra 360減肥嘅時候每次係15分鐘計算（1 part），每次大概做45分鐘左右。
但係撇除當中開下停下，等部機降溫，同埋有時好唔舒服又要自己轉身，真正做嘅時間可能都係30分鐘左右，呢一點我得有少少蝕，唔抵。
Exilis Ultra 360減肥價錢唔算平，每次做都差唔多接近$3,000一次。我知道其他地區Exilis Ultra 360減肥價錢最平都需要$1200。
Exilis Ultra 360減肥效果好嗎？真實評價
咁就講下Exilis Ultra 360減肥效果，Exilis Ultra 360減肥效果其實係有嘅，做嘅時候做一隻腳其實係會見到即刻收緊咗，呢一點係值得一讚。我自己都明白到做機減肥療程唔會係做一次，正如你自己做運動都唔會做一次，就可以減到肥一樣。要連續進行，呢一點我自己開始Exilis Ultra 360減肥效果之前都明白。所以就冇任何意見，因為同估算期望都差不多。
講下做咗六次之後嘅Exilis Ultra 360減肥效果，未做之前其實腳其實都有少少脂肪橙皮紋。唔算好明顯， 近睇就會見到嗰種，呢部機的確係幫助改善咗橙皮紋問題，做完幾次Exilis Ultra 360之後，就冇咁深刻。雖然都有，但係淡咗少少，呢一點係真嘅。
如果講起減肥方面就我會用「可圈可點」去形容。因為參加得減肥機療程，我自己都會比較著重飲食同埋calorie計算，同埋亦都多咗走動等等。喺各方面都有努力嘅情況之下，我自己的確係有減到磅數。始終Exilis Ultra 360減肥價錢都屬於偏貴，療程都買咗$30,000， 自然自己都要飲食注意。
大家都知道做機減肥唔會減走磅數，只會減走脂肪細胞大小，所以如果見到磅數有分別，即係證明我平時其他無關減肥機嘅方法，例如做運動，多步行，戒酒，甜飲品等等，係有作用。當然做機減肥呢方面都係有幫助，但係我會話幫助不太大。相比起我而家做緊嘅其他減肥機，Exilis Ultra 360減肥效果，未算係最好！
我自己都算係比較有恆心嘅人久唔久都會根據唔係用先提示返去做保養。Exilis Ultra 360減肥唔係做一次而係需要做6－10次。我自己做咗7－8次左右就正式move on!
同埋見到每次做完之後效果好快又再打回原形，我自己其實都有一刻諗過會唔會係自己問題，定係單極射頻唔係咁啱自己。
經過四個月之後，下半身脂肪又再積聚，基本上已經完全去返未開始Exilis Ultra 360減肥之前嘅情況。即係，Exilis Ultra 360減肥效果，好快反彈，冇辦法長期維持！
改為用日本機效果有大大改善：CZ8效脂肪槍初體驗！
市面上多咗好多什麼微波溶脂、隔空溶脂機等等，我自己都有咗深入研究，同埋有上次吸取經驗，亦都冇咁快課金。起碼都會比較多幾間同埋多種技術，再問多少少先至拍板。近期我就去咗做一部日本減肥技術價錢，其實比起英國機平好多！基本上 一個療程可以買兩個療程，但係減肥效果方面，就反超前！
Exilis Ultra 360減肥價錢（市場價格）：$20,000 - $40,000
CZ8效脂肪槍（市場價格）$12,000 - $25,000
呢個日本技術叫做CZ8效脂肪槍。CZ8效脂肪槍係用多極射頻能量技術去改善脂肪頑固問題，同頭先所講嘅Exilis Ultra 360減肥，個人覺得減肥效果比較好，過程都舒適好多。
