要提提大家，千祈唔好見到減肥機就即刻走去試！因為唔同機器有不同風險，副作用亦都唔同。需要首先了解自己情況係咪適合做先至選擇，以免做錯唔單止浪費錢咁簡單，亦都有機會造成不可挽回嘅後遺症副作用。
做機減肥點樣先有超級好嘅效果？
呢排都有好多唔同品牌要廣告，有啲就叫你去做Emsculpt Neo，另一啲又叫你去試Onda Coolwaves。有啲叫你做番好耐以前嘅冷凍溶脂。其實點樣揀做機減肥先至有效果呢？好取決於幾個部分：
第一，一定要控制飲食，因為減肥機只能夠幫你減走現有嘅脂肪，但係如果你自己繼續瘋狂飲食嘅話，就會形成新脂肪。
第二，就係要留意返不同機器有不同嘅建議使用次數與及頻密程度。有啲機器係需要密集咁去做，亦都有另外一啲係唔需要頻密做。最好都係留意返機器本身建議你嘅操作方法，咁樣先至會獲得最佳效果。
第三，了解自己究竟需要減重，定需要修形，因為兩樣嘢係完全唔同。傳統減肥係講減走身上嘅多餘重量，要越嚟越輕。新一代減肥機可以幫到嘅係收緊身體線條，令到身材比較緊緻。
另外要提一提大家，唔好相信任何可以保證永久效果嘅減肥機。雖然呢樣嘢都好明顯，但係好多人都係有種僥倖嘅心態，覺得新科技做機減肥係代表可以隨意狂飲狂食都唔會肥。減肥機嘅作用最主要都係幫你用高能量去加快新陳代謝，令到積聚脂肪嘅位置唔好再有咁多囤積嘅問題，並唔係一個任食free pass。 所以千祈唔好因為自己食量極大，走去參加纖體療程，發覺冇用又會話係唔係個機本身有問題。
當你係飲食與及知識方面都準備好嘅時候，就可以去參加減肥療程！首先就講解下現時香港比較廣告宣傳嘅微波溶脂究竟係乜嘢。
Onda微波溶脂價錢
精明靚女人就當然識得去計數，Onda微波溶脂價錢，點樣買點樣計先會最平？如果本身自己預算又唔多，有冇辦法都可以做到減肥效果？令到自己唔需要買大量療程，或者唔需要買package都可以見得效果？
Onda微波溶脂價錢普遍都幾貴，雖然有部分公司會聲稱可以單次收費，或者標榜價錢比起市場價錢平好多。千祈唔好人哋講乜就即刻走去相信。阿婆走得快，一定有古怪！尤其係不停標榜自己價錢平但你又完全未聽過個名嘅公司，其實當中有好多不為人知嘅秘密。而家就會為大家一一揭露價錢背後隱藏問題。
Onda微波溶脂價錢香港現時都屬於偏高，呢一點其實大家都可以理解。因為正版機器其實成本都相當昂貴，機器貴代表乜嘢？即係會將成本轉嫁喺消費者身上。如果部機本身已經有相當龐大嘅壓力，各大小美容院都一定要將個成本畀番消費者去分擔。所以係好難搵到一啲真係價錢平嘅微波溶脂，好多都只係低價錢宣傳，其實係呃人。
咁你做緊應該準備幾多錢， 去做微波溶脂？ 其實你無返兩三萬都唔好諗住去做。雖然有好多聲稱係平價或者單次收費，但係當你知道事情的真相，你就明白真係冇咁大隻蛤乸隨街跳。唔會有人做蝕本生意，你以為自己身經百戰乜都知，甚至識得點樣去防止市面上黑店呃你錢，但其實房間大大小小美容黑店最新嘅方法，已經進化。所謂道高一尺，魔高一丈，就係咁解。
微波溶脂價錢其實取決於好多不同因素。價錢貴本身未必一定有問題，因為使用正版正廠機其實真係有成本，所以每次幾千蚊或以上，其實都真係有需要。但係點樣買最抵，或者應該點樣去判斷價錢係咪屬於貴？其實可以通過首先了解邊一個版本嘅機器，就已經可以略知一二。而家就會教你點樣分乜嘢係最新嘅版本！
大家可以留意返現時香港市面上見到嘅微波溶脂機，其實大部分都唔係屬於最新一代，香港好多見到所謂嘅微波溶脂機，其實係意大利嘅Onda，外國其實已經出到去最新第二代版本，叫做Onda Plus。即係世界上好多國家同地區已經用緊第二代技術，但係香港仍然用緊第一代技術。咁無論安全性以及效果，甚至可以使用嘅身體部位等等，自然會有落差。
咁Onda Plus呢一部機係咪屬於最新嘅微波？其實仲未算！仲有一啲比較新穎嘅技術，都係啱啱推出市場，可以話係更為緊貼。例如來自韓國嘅Young In微波溶脂機，就可以話係最新一代，比起Onda Onda Plus更新。下面就會為大家詳細介紹Young In呢個來自南韓的最新技術，不過而家繼續講埋呢個先 。
其實每一部機器都有佢嘅優點， 唔係一定越新越好，不過通常喺各方面都會有所改進。尤其係操作嘅穩定性，與及技術成本架構上面。
Onda Coolwaves香港
如果要真係選擇用Onda Coolwaves嘅話，最好都係建議搵醫生，或者具備相當操作經驗嘅地方。千祈唔好揀所謂嘅逐次收費美容院，或者所謂嘅小店。好多都係古靈精怪，而且操作方法都係極為恐怖，做得多真係有風險！
Onda Coolwaves香港用好多唔同嘅名係市場出現。有部分美容院會叫做意大利冷頻溶脂，一叮溶脂，DeadCal等等， 醫學美容公司會用唔同嘅名字出現，但係其實使用嘅技術係一模一樣，都係Onda Coolwaves。
應該點樣去選擇Onda Coolwaves香港供應商？
要去判斷一部機器究竟是否獲得官方原廠認證，唔少嘅大型醫學美容生產商都會提供一個網上嘅完整列表，讓顧客可以自己上網查詢，邊一啲係屬於認可服務中心。官方認可供應商列表，可以為顧客帶來更加安心嘅保障。 不過好可惜，Onda Coolwaves香港呢方面其實並不適用。
有一點比較值得注意，就係Onda Coolwaves香港同冷凍溶脂Coolsculpting技術，或BTL Vanquish隔空溶脂不同，Onda Coolwaves本身並唔會為不同嘅技術供應商提供認證。（以冷凍品牌作為例子，有一個叫做CoolSculpting University Masters Class Certificate嘅證書課程）。香港好多大型嘅醫學美容機器生產商同代理商，都會有一個完整網上列表畀網民參考，列明香港有邊認可服務中心。但係Onda Coolwaves微波溶脂暫時就冇呢一個安排。所以就比較難去分辨究竟邊一啲醫學美容中心先係屬於使用正廠正貨。
所以都去比較不同Onda Coolwaves香港供應商嘅時候，由於時官方欠缺一個好完整嘅列表，講明香港有邊啲供應商係屬於正廠正貨，作為精明嘅消費者就要去問多幾條問題，用自己嘅common sense去判斷究竟值唔值得做。
雖然冇一個好完整嘅官方列表，但係都唔係完全冇辦法去判斷究竟一個Onda Coolwaves香港 供應商是否值得投資。以下幾個訊號值得你留意。
美容診所地區：地區直接反映投資金額，以及企業的財政實力。某部分工廠大廈美容院，或者係丙級商業大廈美容院，非常殘舊嘅環境其實就已經係一種警告信號，話到俾你知大概係乜嘢質素，該公司究竟然唔願意投資，為顧客提供一個安全舒適嘅環境。 事實上香港營商租金真係唔平能夠喺一線地段，例如中環，開業而且經營一段時間嘅公司，必然代表擁有雄厚嘅財政實力。
相反，本身欠缺財政實力，或者係屬於山寨形式嘅公司，就只能屈居一啲比較三四線地區。 公司年交貴少少租嘅能力都冇又有乜可能會投資好多錢喺客人身上保障您的安全呢呢一個其實係好基本嘅考慮。但好可惜因為好多市民都仍然係有種貪平嘅貪念，導致經常出現出現做機減肥副作用，意外等等。
品牌是否減肥纖體專家，定係大包圍形式美容院：Onda Coolwaves香港雖然不同地方都有得做，但係值唔值得喺你而家呢間度做，其實就要觀察一下究竟個品牌係咪專門做纖體減肥機，定係乜嘢類型嘅美容服務都提供。
因為後者係屬於大包圍公司。大包圍即係話有做脫毛，又做美容，又打膠原槍，又打針，又做埋豐胸，甚至連按摩，水療，美甲呢啲都去做埋。呢類型嘅公司其實就不太適合處理極為專門嘅技術，例如微波溶脂。由於佢並非減肥機呢方面嘅專家，乜嘢類型嘅服務都需要提供嘅時候，員工係冇可能完全認識所有機器嘅所有步驟。好多時候就會喺唔小心嘅情況之下，做錯或者做漏咗步驟，甚至完全忘記一啲安全守則。 意外或者副作用就係呢類咁嘅情況之下出現。所以當你比較不同Onda Coolwaves香港供應商時候，最好就係留意返究竟佢係專門做美容纖體，定係乜嘢類型都做。前者肯定好好多。
專業程度：正所謂見微知著。好多時候從一啲比較微細嘅事件已經可以觀察得到究竟一間公司嘅服務水平與及專業水準。舉一個例子，就係有部分有提供Onda Coolwaves溶脂機嘅單次收費美容中心，其實係出曬名冇服務。 就算你平時去預約，send個whatsapp短訊畀佢，都要等24小時先覆你。連預約做機減肥你畀錢佢洗，佢都答你答得咁慢。如果你有其他類型嘅查詢，甚至係服務方面嘅意見同埋投訴，究竟佢會唔會得閒幫你處理？太過標榜價錢平就有咁嘅問題。
平時對於顧客查詢答得非常之慢，黃仔顧客服務部職員質素極為參差，其實已經知道呢類型標榜價錢平嘅美容中心，並唔係一間非常之著重顧客體驗嘅公司，而係一啲專門行平價低質路線嘅公司。你嘅顧客體驗甚至係意見等等，對佢嚟講都真係唔太重要。價錢質素永遠都係成正比。平價低質本身並無一個絕對嘅對錯，始終好多市民真係需要一啲平價嘅供應商，但係如果講起部分非必要性嘅服務，或者係涉及一定風險嘅服務，例如微波溶脂，就真係唔好貪平。
標榜價錢好平，或者係唔需要買療程嘅公司，其實好多時候都唔能夠提供一個完整優質嘅服務，永遠都真係好似將貨就價，格局就係好似outlet，或者廉價航空嘅模式。無論選擇或者服務方面，實在難以同有規模嘅公司直接比較。
ONDA 微波溶脂副作用
無論係過往嘅冷凍溶脂又好，隔空溶脂又好，而家嘅微波Onda Coolwaves都好，任何類型嘅醫學美容服務，最緊要係安全。 當然精明嘅消費者就會問，究竟呢類型嘅療程係咪安全？有冇國際級認證？有冇副作用需要小心去留意？但以上所提及嘅其實只係最初步嘅風險管理。任何醫學美容療程究竟是否安全，除咗要睇機器本身生產商嘅臨床數據與及出廠之前嘅測試之外，好多時候出問題嘅唔係部機器本身，係操作嘅問題。呢一點就真係要大家極為注意，千祈唔好掉以輕心。
好多人啱啱去睇選擇醫學美容機器例如激光皮秒，減肥儀器等等嘅時候，好多時就會畀廣告嘅宣傳錯誤地引導，因為好多美容院好鍾意用外國認證／FDA等等嘅字眼去宣傳。如果你本身唔夠小心嘅話，就好容易畀呢類型嘅宣傳錯誤地引導，低估咗風險。
無論係微波溶脂又好，或者其他類型減肥機器都好，副作用問題往往係出自錯誤使用！
機器如果要成功推出市場，係需要極為嚴謹嘅測試。 大部分嘅外國美容儀器喺出廠嘅時候已經經過極為嚴謹嘅安全測試，所以喺呢方面嘅風險其實唔算太大。反而最令人擔心嘅係實際操作方面嘅問題。
因為香港實在有好多供應商喺操作方面真係有比較大嘅進步空間尤其係對於科技知識方面嘅了解係嚴重不足永遠只係停留喺一個低級美容師嘅層面。對於知識／真相／科學完全缺乏。
ONDA 微波溶脂副作用原因1：不按照指示，使用時間太長或太短
機器原廠本身其實係對於不同嘅身體部位有非常之清晰嘅講解，乜嘢位置可以做幾耐，其他位置需要做幾耐。 但睇返現時香港市面情況，就可能冇咁專業。有啲公司就話個肚腩仔需要做十分鐘，亦都有公司做成四十分鐘！其實兩者都係錯誤！好多時候某啲公司根本就冇清晰向員工進行深入培訓，自然就會出現因為做機時間太長導致能量過高吸收太多，或者過低吸收不足嘅問題。
ONDA 微波溶脂副作用原因2， 使用非原廠產品
細節決定勝負，究竟真係能夠掌握微波溶脂技術， 定係普通質素低下嘅美容黑店，細節就可以分清楚高下。 Onda Coolwaves點解有啲公司做就有副作用，其他公司做就安全？好簡單，有冇根據原廠指示去進行，定係自己天馬行空亂咁嚟，九唔搭八製造風險，就已經可以知道公司對於安全意識與及風險管理層次去到邊度。
Onda Coolwaves微波溶脂機其實係需要使用一種特定嘅醫療級凡士林油，均勻咁樣塗抹喺進行療程嘅皮膚上面。而且進行療程之前幾日，係應該避免使用其他額外保濕或者body oil。 除咗微波溶脂原廠要求你使用嘅醫療級凡士林油之外，係唔應該再使用任何其他類型嘅塗抹產品，因為佢哋嘅成分有機會影響最後微波吸收，直接幹擾微波溶脂嘅安全性與及最終效果。
但係坊間危險嘅單次收費美容小店，竟然叫人哋用按摩精油代替，真係非常之危險，好牙煙。 有時唔用原廠建議嘅輔助產品，未必係純粹無知咁簡單，有機會係因為想慳成本賺多啲，就求其去買啲按摩油代替原本需要醫療級產品。咁樣其實會嚴重影響最終使用嘅安全性，與及微波用效果。好多市民未必知道當中嘅分別，以為兩者都係好似按摩油咁樣，冇乜所謂啦。但原來根本係唔可以亂咁替代，使用否則影響效果，市民唔清楚就好容易畀啲啲質素差嘅小店偷龍轉鳳，最後造成各種微波溶脂副作用問題。
ONDA 微波溶脂副作用原因3，對於過程理解不足
就算係一個成功嘅微波溶脂療程，過程其實都會令到相關嘅身體部位出現紅腫，甚至發炎嘅反應。呢個係講緊正常嘅副作用。 微波溶脂可以令到脂肪細胞狀態改變嘅主要原因，係因為佢深層地利用微波乾擾細胞壁，令到細胞壁破裂，由於使用嘅係非常之高嘅溫度大約攝氏50度所以身體係會自然產生經過熱能處理之後嘅反應。有啲人見到做完之後皮膚紅咗就會非常之擔憂，但其實呢啲都係微波溶脂正常嘅反應，亦都可以話係輕微嘅副作用，並不算係十分嚴重嘅問題。
要同大家講解一個簡單嘅概念，好多人對於無創纖體方式例如微波溶脂有種錯覺，覺得係無需手術就代表係冇副作用，但絕對唔係。
Onda減肥有冇用？
睇咗咁多有關微波溶脂嘅資料之後大家都可能會開始內心有個盤算，大概知道究竟onda減肥有冇用。但其實真正去判斷微波溶脂或者Onda減肥有冇用， 仲有一啲好重要嘅因素。
能否通過進行Onda去做到效果，其實除咗睇部機之外，亦都要考慮返參加者自己本身嘅身體狀況。有部分參加者自己如果本身係屬於體質高，即係bmi 30以上嘅話，其實係有機會影響最終減肥效果，有好多考慮做機減肥嘅朋友，其實係未必清楚市場上醫學美容減肥機最主要嘅作用並唔係用來減輕體重。纖體機唔係用作減低體重作用！減肥纖體機其實主要係改變脂肪狀態令到身體線條比較纖瘦，亦都利用高能量去幫助排走脂肪。如果你本身係好肥想減重嘅話，其實係需要通過節食，或者更為具備效率嘅綜合纖體療程去進行。喺呢個情況之下onda減肥冇用！
你需要微波溶脂定係改善體質？Why not both！
你去搵Onda Coolwaves香港資料，大部分都係美容診所或者醫學美容機構廣告。但如果你真係想長久不反彈， 唔單止修改善調甚至連體重都希望下降，最快而且可以長久不反彈嘅方法就係從飲食+活動量+做機減肥三方面落手，呢個係最強配搭！香港邊啲地方有綜合減肥療程，可以做埋微波溶脂，同埋其他最新穎嘅減肥機呢？其實好多大集團都有，如果想搵間唔算太sell嘅，就建議你直接搵中環SWISS REJU熱光溶脂！一個價錢已經包含做機減肥+營養師設計減肥產品+養生機器，令到你減肥之餘仲改善體質！ 而且仲可以免費專家諮詢，先行了解自己需要，再選擇邊部機最啱你，咁就確保瘦得最快。即時whatsapp免費諮詢係呢度: https://wa.link/yrp6bg
