做機減肥有效嗎？ 香港高中低價位美容院原來大不同
相信好多人都聽過所謂嘅單次收費美容院。而家都多咗好多！香港唔同價位嘅美容院做機減肥究竟有乜嘢唔同？如果你平時係去開比較貴嘅大型集團，就會可能有興趣了解下所謂嘅單次收費或者小店係咪真係價錢上會有優勢。如果你平時因為經濟原因，多數都係去一啲比較小規模甚至一人嘅美容工作室，亦都會可以研究一下究竟價錢回落嘅情況之下，可唔可以喺唔需要花費額外金錢嘅前提之下，upgrade去一啲比較好些少嘅美容中心做機減肥？
對於啱啱開始美容院減肥機呢個旅程嘅朋友，有個好消息話畀你知，就係現時香港整體做機減肥嘅服務係多咗好多，亦都多咗比較正統嘅供應商。但係亦都有個壞消息要同你講，就係香港好多美容院其實都係冇乜效果，收咗錢之後你會發現其實冇乜貨仔交到畀你！啱啱開始做機減肥第一個要去認清楚嘅事實，就係高中低價位所提供嘅服務係完全不一樣。
首先要搞清楚你適合選擇邊一類型嘅供應商，因為揀啱供應商係代表你可以喺預算之內完成減肥療程。選擇錯供應商有可能就會金錢上大失預算，又或者係用多咗好多時間，甚至服務方面唔到你心目中嘅要求。
香港中低價位嘅美容院減肥機所提供嘅低價做機減肥，真係未必一個好好嘅選擇。無論係風險或者係減肥效果，甚至服務質素方面，多數都有隱藏問題，呢類型嘅問題，並唔係咁明顯可以一眼就睇得出。
現時香港美容院減肥機服務主要可以分為三大階層
做機減肥第一最高階層，就係有規模有質素嘅港島中環區醫美診所／醫生集團 ／一線美容院（比較推薦）
呢類型嘅公司唔係一定代表好大型好多員工，反而係一啲具備相當科學知識，有足夠操作經驗與及營商操守比較好嘅公司，呢類型公司包括中環嘅醫學美容診所，又或者一啲比較具備信譽嘅醫美醫生集團。 由於佢哋擁有大量不同類型嘅機器包括激光，射頻，微波等等，佢哋有能力去為你設計一個安全有效而且快速見到效果嘅方案，並唔會因為自己技術上限制而冇辦法去提供相關服務。
做機減肥第二中間夾心階層，就係有規模有質素嘅正規美容院（需要小心逐一評估）
科技普及化，代表一啲過往以前價錢相當高嘅技術，例如冷凍溶脂或者隔空溶脂，喺有不同市場競爭供應商競爭嘅情況之下，有價錢大眾化嘅趨勢。 以往屬於價錢極高嘅服務已經係變成中等，中小型公司都可以負擔呢類型嘅機器。但係點解會話係屬於中間夾心階層，而唔係最高嘅階層呢？因為現時香港嘅美容院做機減肥方面係仍然有相當大嘅進步空間。
好多服務提供者，無論體員工培訓，知識傳遞，消費者教育，安全，風險管理，甚至成效量度各個方面，都未如理想。法律監管或者係行業自我約束方面，都仍然係有漏洞。令到好多時有消費者出現各種投訴問題。雖然係咁樣，但係現時行業都仍然喺度努力之中，希望可以搵到一啲較為價廉物美嘅方案。通常中間夾心階層嘅中型正規美容院，多數會係外國大型生產商嘅正版機器包括常見日本，韓國，英國機。
做機減肥第三最底層，就係單次收費美容中心或者『小店』 （不推薦）
單次收費美容中心同埋所謂嘅小店，往往就係問題核心所在同埋出好多意外嘅地方。呢類型嘅地方如果用嚟做一啲比較低技術水平嘅人手按摩或者人手facial，係可以嘅。但係就絕對不適合進行任何有風險嘅項目，尤其係需要高技術例如做機減肥。冷凍溶脂，隔空溶脂，微波溶脂等等，絕對不適合於這個類型的地方進行。價錢越平越大鑊。
餐廳咖啡室報紙檔等等，可以撐小店。但係一講到任何風險項目，就最好都係搵專家，如果出咗問題唔單連累你自己，其實你都係連累咗幫你嗰間美容院。所以最好嘅方法，都係由源頭開始避免高風險地方。
無創纖體，或者外國叫做non invasvie body contouring科技，其實係需要醫生進行。外國呢類型嘅纖體項目係需要醫美診所進行。就算外國監管比較寬鬆的國家，就算唔係醫生都需要搵醫學助理去做機減肥。所以你大家可以知道，做機減肥或者美容機嘅操作需要知識水平與及專業程度，並唔係好似香港求其搵個新移民幫你做。
另外亦都要留意，好多原廠嘅機器本身操作語言其實係淨係得英文。如果你自己本身英語水平欠佳，其實部機講乜嘢你都唔係好清楚。喺呢啲情況之下一啲本身欠缺員工培訓嘅美容集團就好容易會出現操作錯誤，導致做機減肥副作用後遺症等等嘅問題。
隨著現時香港有得提供做機減肥嘅美容院多咗，用嘅高能量其實亦都勁咗好多。以前做機減肥可能只係講緊一啲物理按摩或者負氣壓，但而家已經發展到隔空微波，高能量射頻，激光，超聲波等等。高能量火力亦都係比以前強咗。大家可以想像一下搵一啲冇經驗冇質素嘅人去操作高能量機器個安全風險係有幾高。呢個亦都係香港低價錢做機減肥嘅問題。
好多收費比較低嘅所謂單次美容中心或者小店，其實擁有嘅機器已經唔多，屬於比較新一代嘅正廠機就更加少。由於佢哋係冇一個完整嘅方案提供到畀你，佢哋並唔會能夠從客戶嘅角度去搵一個最平靚正嘅方案，永遠只能夠喺自己手上有嘅機器裏面推薦畀。所以話唔係搵一個最適合你嘅方案，而係搵一個最適合佢嘅方案，因為佢得一部機。
咁究竟高中低價位嘅香港減肥機市場，究竟有乜嘢分別？高中低價位最主要分別，在於安全程度與及減肥效果。 正規醫學美容診所／具備經驗嘅美容院，提供嘅係『知識』。低價錢嘅主要係賣『勞力』。
正規嘅美容中心同埋醫學美容診所通過專門知識與及經驗，能夠為消費者提供一個最可行而安全程度高嘅美容院減肥機方案。
屬於金字塔裏面比較低層次嘅單次收費美容中心或者小店，由於缺乏經驗知識，就只能夠靠勞力不停去做。但係減肥機本身唔係做得多越好，甚至有時做得多係會有反效果。價錢越平嘅做機減肥，係越多問題。
標榜價錢平到不合理，幾千蚊做10次，呢類型嘅小型美容院其實無論係操作上面，誠信上面，與及商品說明條例上面，都有好多隱患同埋風險。
市民去判斷同比較不同美容院嘅時候好多時只係睇廣告，同埋會參考一啲網友嘅評論等等。以上係初步了解嘅方法。其實係需要更為深入調查。
冇一間質素差嘅美容院係會話畀人知自己質素有問題或者唔安全，就算係幾唔合資格甚至係賣老鼠貨嘅鋪頭，都會嘗試去吸引顧客，但係你會唔會畀人呃到，就好睇你自己嘅功力。
買服務VS買產品分別
無論係去美容院做機減肥又好，或者係其他類型嘅服務例如電訊或者裝修都好，如果自己本身係擁有極為深厚嘅行業知識嘅話，的確係可以通過自己找尋服務供應商方法，去有機會搵到一個比較平嘅方案。
但係如果你自己本身並非呢方面嘅專家，就好需要呢方面嘅專家去畀到專業意見你，話都畀你知最新嘅市場資訊，同埋一啲需要注意嘅事，避免買入一啲即將過時產品。 一啲有技巧有服務嘅中間人或者服務機構其實可以畀到好多你自己本身難以獲取嘅行業資訊你。優惠可以慳到錢同埋返到時間。
當然有少部分人可能真係電腦電訊專家，有各種方法可以通過非門市途徑獲得器材，而且懂得自己裝。呢個情況之下的確可能唔經中間人都可以做到。但係成功比例極少，更多嘅係以為自己慳錢，其實最尾洗多咗錢。做機減肥其實係一模一樣。去一啲有規模有方法嘅機構教你最快速度獲得成果，同埋你自己可能喺街隨便搵一間價錢平嘅做機減肥，但不保證效果效果其實係一模一樣嘅例子。買服務定係買產品兩者之間冇話一定對與錯，反而係你自己本身知識有幾深，邊一個方案先係最慳錢最快。市面上一啲價錢比較平嘅做機減肥服務其實就可以視之為買賣產品，較為適合一啲已經對呢方面非常熟悉嘅達人。
如何分辨美容院減肥機／做機減肥服務供應商質素？
如果你睇下好多美容院嘅廣告或者醫學美容診所嘅宣傳，其實大部分都係大同小異，通常都係好靚又有啲好夢幻嘅背景，然後有明星代言等等，個個都話自己係做機減肚腩專家。就咁睇間間都差唔多， 但係真正嘅質素係可以相差好遠！
最好分辨美容院做機減肥質素嘅方法，其實係睇個地址。因為一個醫美診所或者美容中心嘅地址，已經代表收費，階層同埋客戶種類。
做機減肥廣告宣傳可以有各種嘅誇張手法。地址係一個非常之好嘅方法，去快速分類究竟間醫學美容中心，大概係去到咩水平。
地段亦都顯露咗間公司本身係有冇財政實力，資金方面有冇問題。因為中環企業或者一啲優質嘅醫美診所，佢哋畀嘅租金係幾十萬一個月。如果自己本身並冇相當嘅收入嘅話，其實係好難捱得到。只有身經百戰而且質量都相當實力嘅醫生或者美容集團先至能夠屹立不倒。同埋好現實嘅問題，起碼佢有一堆客，代表其實佢有番咁上下數目嘅成功案例。
相反如果你睇一啲好普通嘅地段， 由於佢基本上係沒有任何門檻。任何人都可以創業同埋結業。例如一啲好細型嘅一人工作室，或者工廠大廈等等，租金係非常之平。講緊一萬幾。都有甚至有一啲係屬於分租形式嘅美容院等等。
冇任何歷史背景亦都冇乜規，租金亦都好平嘅地方，我真係冇信心去做一啲高風險嘅項目。唔好話用高能量機器減肥，就算普通做美甲做facial我都唔會太鍾意。呢類型嘅地方其實商業登記都唔需要，純粹當你係市集形式，你有身份證已經可以做。
美容院做機減肥有效嗎？
做機減肥其實係一種投資概念，當中係涉及如何運用知識去幫你超額完成目標嘅成分。好多價錢平嘅地方由於佢主要係出賣勞力，並冇任何解決問題，或者幫你去計劃最有效方案嘅成份。 當然你會發覺喺呢啲地方做機減肥效果唔係特別好。反而係一啲比較正規嘅地方，充分去了解技術，要求醫美診所仔細講解不同技術嘅分別，因應你實際嘅個別情況去建議不同方案，咁樣做機減肥先有效果，你去買服務值博率高啲。
頭先嘅資料都可以說明到美容院做機減肥其實有一定嘅效果。頭先就話咗畀你知邊類型嘅機構係比較適合做，邊類型機構唔好冒險。選擇好機構之後就可以去正式進入減機器嘅階段。
好多人以為做機減肥係講緊一個技術，絕對唔係！做機減肥本身可以講緊好多種不同嘅技術，包括有啲係屬於熱能類型，有部分係冷凍類型，有部分係電磁波技術。而家就會話畀你知5種邊唔中做機減肥技術最為常見同埋佢係適合邊類型嘅人。
美容院減肥機做機減肥能量模式1：射頻減肥機
射頻類型減肥機器進入減肥纖體機市場其實都有一段時間，當中亦都有不斷版本嘅進步同優化。現時世界上見到嘅減肥機，射頻可以話係一個比較安全而且擁有相當多臨床實證證實有效嘅能量模式。射頻減肥其實可以再分為多極射頻，單極射頻，非接觸式隔空射頻，幾種感覺各方面係有唔同。 市面上好多射頻減肥機其實都已經獲得美國FDA同埋歐盟CE認證，係屬於一種比較安全有效嘅技術。由於推出市場已經一段時間，射頻減肥機價錢亦都比較親密。
你都聽過市面上有部分叫做隔空溶脂技術，隔空溶脂大部分機器其實都係使用一種叫非接觸式隔空射頻嘅方式，通過特定嘅電波去加熱脂肪底層，令到脂肪細胞破裂。
射頻類型機器其中一個優點就係價錢比較平，可以覆蓋嘅範圍好大，令到一啲本身腰圍比較粗或者肥胖問題都中等至嚴重嘅人，都會見到有效果。
即使近年來一種技術叫做微波溶脂，其實都係射頻嘅一種。佢係講緊整個電波頻譜裏面一個比較獨特嘅2.45GHZ譜， 嚴格嚟講其實都係屬於射頻嘅一種。
射頻減肥機例子： Velashape, BTL Exilis Ultra 360, BTL Vanquish, GTG Wellness ABAS, Magic Polar RF
射頻減肥機做機減肥有效嗎？效果良好，而且屬於比較安全，價錢亦都比較親民的選擇
美容院減肥機做機減肥能量模式2：冷凍溶脂減肥機
另外一個能量模式嘅減肥機，就係使用極低溫度去刺激細胞，令到啲肪細胞凋亡嘅技術，冷凍溶脂。冷凍溶脂啱啱推出市場時候其實都獲得一陣嘅注目，因為當時並冇其他方法去處理不雅嘅脂肪， 唯一可以做嘅就係通過醫生做手術切除脂肪，即係所謂嘅抽脂。當時冷凍溶脂出現就提供咗開刀做手術以外嘅另外一個方法。
冷凍溶脂可以喺某些情況之下取代抽脂手術。無論係風險方面，無創纖體其實點都安全過需要開刀進行嘅手術，但係近年亦發現冷凍溶脂技術本身並非完美，隨著時間增長亦都有好多有關冷凍溶脂肪投訴與以及副作用等等過案。
就以最近一個比較矚目嘅官司，就係由一位外國嘅著名模特兒Linda Evangelista，入稟控告某一間冷凍溶脂機器生產商，因為佢聲稱進行療程之後出現咗一啲令到身體脂肪細胞增生嘅不良副作用。呢種副作用專家仍然未能夠完全去掌握，當中生物學機制。由於係未能夠完全掌控嘅副作用，導致唔可以完全避免發生，究竟乜嘢人會出現副作用，乜嘢人唔會，到現時為止都唔能夠完全百分百肯定，就只能夠靠運氣。最大嘅問題就係進行冷凍之後如果出咗呢種脂肪增生嘅問題，需要做手術去解決。
冷凍溶脂其實一個比較大嘅問題，就係需要極長時間先見到完整嘅效果。進行療程之後其實並唔會即刻見到有分別，因為佢嘅原理機制系統極低溫度去令到一部分地方細胞壞死。而呢啲細胞只能夠通過平時新陳代謝等等排走，要等兩至三個月先至會見到成果。所以冷凍溶脂並唔適合一啲諗住快速纖體嘅朋友，你一定要有相當嘅耐性先至適合進行冷凍溶脂。
冷凍溶脂減肥機例子：Coolsculpting, Clatuu, Cooltone, Coolshaping
冷凍溶脂做機減肥有效嗎？ 部分人會有效果，但需要等待三個月時間先見到完整的效果。亦都要先行考慮副作用問題
做機減肥能量模式3：激光溶脂減肥機
1064與及650這兩種類型的激光對於改善肥胖狀態都有幫助。激光技術去處理以及破壞脂肪細胞的機器，叫做激光溶脂。市面上大部分其他類型的激光溶脂機器都係中等能量，並不會為參加者帶來太大的身體壓力，尤其是較為常見的軟激光大部分情況之下其實都屬於安全有效。 市面上亦有一種激光溶脂機，使用極為高能量的1064激光持續照射脂肪細胞，通過極大的熱能光學去改變脂肪狀態，令到部分頑固的細胞死亡。
激光溶脂減肥機例子：Sculpsure, Le Shape, Eximia HR77
激光溶脂做機減肥有效嗎？ 有效果
如果想體驗以上各種做機減肥方式，組合療程例如熱光溶脂就會適合。文末會有推薦。
美容院減肥機價錢討論，做機減肥預算應該幾多錢先合理？
頭先就為大家講解過幾種做機減肥注意地方，包括適合進行做機減肥嘅機構，同埋市面上美容院常見的幾種能量模式減肥機。而家就會同大家討論一下，美容院減肥機價錢問題。
因為市面上大部分減肥機收費其實都唔係好透明，無論係大中小型嘅機構，都未必會將全部價錢完全公開，就算有啲公開咗都會有隱藏收費，或者有附帶條款等等。咁應該點樣去預算先至會有比較準確嘅估計？
香港做機減肥其實有幾種收費模式比較多嘅會係用療情形式收費（如果係正規機構可以考慮），第二種就係用單次收費模式（不建議），第三種就係按月形式收費（需要視乎個別情況）。 無論係邊一種美容院減肥機收費模式都好其實你自己都一定要有相當嘅預算先適合進行呢類型嘅醫學美容療程。
美容院減肥機市場價格，其實係根據市場需要供求，與及成本去釐定。 點解要勸大家要用一種比較保守同埋保留嘅態度，去看待市面上一啲極平嘅減肥機呢？係因為佢哋根本連成本都收唔到，所以根本唔係一個長遠嘅收費模式。更加多係一種短期吸客上去再hard sell嘅方法，當消費者最好避免！
通常就會建議大家用一個合理嘅價錢，去換取合理嘅服務。係比較可取，亦都對於雙方面嚟講係可以長久進行嘅服務形式。大部分香港美容院嘅做機減肥療程，價錢其實都唔會平。無論係邊一種能量模式或者收費模式都好，其實最少都要準備大約$10,000 - $20,000 。呢個數字通常就已經能夠令你可以進行幾次嘅療程。喺一般正常嘅情況之下已經開始見到有一啲成功嘅纖體效果。
當然有啲可能會價錢標榜更加平，但係大部分美容院減肥機，其實都唔係畀你做一次。你要見到相當效果，其實都需要進行幾次。以上呢個預算係夠你做幾次，見到有初步成果嘅成本估算。
咁點樣做先至可以再慳到錢？好多時候大家都會見到一啲價錢好低嘅所謂單次收費美容中心或者自稱係小店嘅黑店廣告。 其實呢啲地方係唔會幫到你慳得到錢。真正幫你慳到錢嘅其實係一早選定最熟悉合自己最有效嘅減肥方式，然之後用最少次數完成！呢個先至係真正嘅慳錢方法，但係部分嗰啲標榜價錢好平，或者係單次收費其實只會不停拖你。
本來人哋做十次已經有好明顯嘅分別，佢就拖到你五十次，甚至八十次，總之就係要繼續不停買！最尾係完全成本失控！
建議你去一啲比較公正公道嘅專業機構尋求協助，佢哋會教你點樣用最快最少次數獲得最明顯的效果。
優先推薦
中環黃金地段的SWISS REJU熱光溶脂提供組合式療程，一個價錢全包，無需額外購買不同身體部位，性價比極高！而且可以選擇激光／超聲波／電磁波／射頻／微波等各類機器，擁有各款不同的機器可以用組合的方法最平最快獲得纖體效果
延伸閱讀
美容院減肥機真相2025：大爆做機減肥與與荷爾蒙失調因果關係，為何明星極瘦你永遠都減唔到？
【美容院減肥機中伏真實個案】35歲以上做機減肥無效果！？本人花費過十萬才了解的道理
【美容院減肥機嘥錢實錄】做機減肥有效嗎？匿名前員工爆料邊5部真正有效
【超詳盡分析美容院減肥機】高中低價位做機減肥有什麼分別？減肥機越平越大鑊 ！
隔空溶脂有無用？香港瘋狂執笠7個美容院安全消費貼士
